Korrupsiyaga qarshi kurashish agentligi

Agentlik va YXHTning korrupsiyaga qarshi kurashishdagi samarali hamkorligi yangi yo‘nalishlarda ham faol davom ettiriladi

Korrupsiyaga qarshi kurashish agentligi direktori o‘rinbosari Umida Tuxtasheva Yevropada xavfsizlik va hamkorlik tashkiloti(YXHT)ning Iqtisodiy va ekologik faoliyati muvofiqlashtiruvchisi Bakit Djusupovni qabul qildi.

Muloqot avvalida U.Tuxtasheva davlat idoralari faoliyatining ochiqligini baholash bo‘yicha “open.index” hamda ochiqlikka masʼul xodimlarning malakasini oshirishga qaratilgan “E-learning” platformalarini ishga tushirish, sohadagi normativ-huquqiy hujjatlarni takomillashtirishda YXHT ekspertlari tomonidan ko‘rsatilgan amaliy yordam uchun minnatdorlik bildirdi.

Tomonlar qator yo‘nalishlar boʼyicha yaqindan ish olib borishga kelishib oldilar.

Xususan:
• keng jamoatchilik o‘rtasida korrupsiyaga qarshi kurashish islohotlarning samaradorligini baholashga qaratilgan ijtimoiy so‘rovlar o‘tkazish;
• korrupsiya va gender masalalarini o‘rganish, yoshlar bilan ishlash;
• hududlarning korrupsiyaga qarshi kurashishdagi salohiyatini oshirish;
• fuqarolik jamiyati institutlari, NNTlar bilan hamkorlikni kuchaytirish;
• Korrupsiyaga qarshi kurashish bo‘yicha Virtual akademiyaning o‘quv modullari sifati va imkoniyatlarini kengaytirish v.b.

Shuningdek, Oliy Majlis palatalari, xususan, korrupsiyaga qarshi kurashishga masʼul qo‘mitalari va YXHTning Parlament assambleyasi o‘rtasida yaqin hamkorlik o‘rnatish, tashkilotning qo‘shma loyihalari va nufuzli tadbirlarida O‘zbekiston tomoni ishtirokini taʼminlash taklif etildi.

Muloqot yakunida B.Djusupov YXHT sohadagi takliflarni qo‘llab-quvvatlashga, Agentlik bilan bundan buyon yangi yo‘nalishlarda ham faol hamkorlikka tayyor ekanligini maʼlum qildi.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiya xavfi yuqori bo‘lgan sohalarda o‘rganishlar davom etmoqda

Davlat rahbari tomonidan belgilab berilgan vazifalar ijrosini taʼminlash maqsadida Korrupsiyaga qarshi kurashish agentligi direktori o‘rinbosari U.Mavlyanov boshchiligidagi Ishchi guruh tomonidan ayni paytda Sirdaryo viloyatida sog‘liqni saqlash, bank, kadastr, qurilish, maktabgacha va maktab taʼlimi, kambag‘allikni qisqartirish va bandlik sohalarida o‘rganishlar olib borilmoqda.

Ishchi guruh dastlab Respublika shoshilinch tibbiy yordam ilmiy markazi Sirdaryo filialida aholiga kafolatlangan bepul tibbiy xizmatlar ko‘rsatish, dori-darmonlar bilan taʼminlash va ijtimoiy ahamiyatga ega maʼlumotlarning aniq va shaffof eʼlon qilinishi holatlarini o‘rgandi.

Shuningdek, korrupsiyaga qarshi kurashish bo‘yicha amalga oshirilayotgan chora-tadbirlar va ularning samaradorligiga baho berilib, qator kamchilik va muammolar aniqlandi.

Guliston shahar kambag‘allikni qisqartirish va bandlik bo‘limida fuqarolarni ish bilan taʼminlash sohasida ko‘rsatilayotgan xizmatlar, yaratilayotgan qulayliklar tahlil qilindi. Bandlikni taʼminlash sohasida korrupsiyaga yo‘l qo‘yilishining sabablari va unga qarshi kurashish uchun zarur choralar yuzasidan konstruktiv fikr almashildi.

Mikrokredit bank Guliston shahar filialida esa elektron navbat tizimi va kambag‘allikni qisqartirish, aholi bandligini taʼminlashga yo‘naltirilgan imtiyozli kredit ajratish jarayonlari bilan tanishildi. Bankda samarali nazorat mexanizmlarining ishlash darajasi, xodimlar va mijozlar bilan o‘tkazilgan suhbatlar orqali faoliyatning sifati va shaffofligi baholandi.

O‘rganishlar natijasida aniqlangan kamchiliklarni tezkor bartaraf etish va kelgusida ularga yo‘l qo‘ymaslik bo‘yicha aniq chora-tadbirlar belgilab olindi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

“Korrupsiyaga qarshi kurashish oyligi”ga start berildi

Mazkur tashabbus davlatimiz rahbari raisligida o‘tkazilgan Korrupsiyaga qarshi kurashish bo‘yicha Milliy kengashning kengaytirilgan yig‘ilishida belgilab berilgan vazifalar ijrosi doirasida Korrupsiyaga qarshi kurshish agentligi hamda “Adolat” sotsial-demokratik partiyasi tomonidan amalga oshirilmoqda.

Oylik doirasida:

— Agentlik va Partiya Markaziy apparati xodimlari, Oliy Majlis Qonunchilik palatasidagi fraksiya aʼzolari ishtirokida xalq deputatlari mahalliy Kengashlaridagi partiya guruhlari va partiyaning hududiy tashkilotlari faollari uchun “Korrupsiya va komplayens nazorat” mavzusida o‘quv kurslari;

— Mahalla fuqarolar yig‘inlari, korxona va tashkilotlarda “Aholining korrupsiyaga qarshi kurashishda faolligini oshirish — qonun ustuvorligi garovi” mavzusida targ‘ibot-tashviqot tadbirlari;

— Maktabgacha taʼlim tashkilotlari va maktablarda “Taʼlim sohasida korrupsiyaga qarshi immunitetni shakllantirish — vatanparvarlik tuyg‘ularini shakllantirishdir” mavzusida chora-tadbirlar;

— Oliy taʼlim muassasalari, texnikum, kollejlar va litseylarda “Bo‘lajak kadrlarni halollik vaksinasi bilan emlash — davr talabi” mavzusida uchrashuvlar;

— Sog‘liqni saqlash muassasalarida “Sog‘liqni saqlash tizimini “korrupsiyasiz soha”ga aylantirish — ustuvor vazifamiz!” mavzusida targ‘ibot-tashviqot tadbirlarini o‘tkazish maqsad qilingan.

Barchani ushbu oylikda faol ishtirok etishga chaqiramiz!
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlatimiz rahbari tomonidan Korrupsiyaga qarshi kurashish milliy kengashining kengaytirilgan yig‘ilishida belgilab berilgan vazifa va topshiriqlarning ijrosi doirasida Korrupsiyaga qarshi kurashish agentligi rahbariyati va masʼul xodimlaridan iborat Ishchi guruh respublikaning barcha hududlarida o‘rganishlar olib bormoqda.

O'rganishlarda sohalardagi korrupsiyaviy omillarni aniqlash va bartaraf etish maqsadida aholi bilan to‘g‘ridan-to‘g‘ri muloqotlar qilinadi.

Korrupsiyaga imkon berayotgan sabablar, muammolar, byurokratik to‘siqlar va ularning yechimlari bo‘yicha savol va murojaatlaringiz, taklif va mulohazalaringiz bo‘lsa, quyidagi aloqa kanallari orqali yo‘llashingizni so‘raymiz:

☎️ “Call-markaz” – 1253

📱 @antikor_aloqa telegram messenjeri orqali

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi jamoasi ulug‘ ayyom — Ramazon hayiti bilan yurtimiz mo‘min-musulmonlari hamda butun xalqimizni muborakbod etadi.

Mana shunday qutlug‘ va munavvar kunlarga el-yurtimizni hamisha sog‘-omonlikda, xotirjamlik va farovonlikda yetkazishini tilaymiz!

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Qoraqalpog‘istonda o‘tkazilgan o‘rganish yakunlari Milliy kengash sayyor majlisida muhokama qilindi

Yakunlanayotgan haftada Respublika idoralararo ishchi guruhi Qoraqalpog‘iston Respublikasining To‘rtko‘l, Taxiatosh, Qorao‘zak, Xo‘jayli, Taxtako‘pir, Amudaryo, Ellikqalʼa, Beruniy, Qo‘ng‘irot, Nukus, Kegeyli tumanlari hamda Nukus shahrida kriminogen vaziyatni barqarorlashtirish va korrupsiyaga qarshi kurashish bo‘yicha ishlar holatini o‘rgandi.

Mazkur o‘rganish yakunlari bugun To‘rtko‘l tumanida Oliy Majlis Senati Raisi Tanzila Narbayeva boshchiligida Korrupsiyaga qarshi kurashish milliy kengashining sayyor majlisida tanqidiy muhokama qilindi.

Majlisda Korrupsiyaga qarshi kurashish agentligi direktori Akmal Burxanov korrupsiya holati eng ko‘p yuzaga kelayotgan sohalar bo‘yicha 20 dan ortiq obyektlar va mahallalarda o‘tkazilgan o‘rganish yakunlari bo‘yicha axborot berdi.

Akmal Burxanov hududda korrupsiyaga qarshi kurashishda sog‘liqni saqlash, maktabgacha va maktab taʼlimi, bandlik, suv taʼminoti, ekologiya, mahalliy hokimliklar faoliyatida ko‘plab masalalar eʼtibordan chetda qolayotganini taʼkidladi. Bu borada mas'uliyatsizlikka yo'l qo'ygan mutasaddi rahbarlarga nisbatan qat'iy chora ko'rish bo'yicha Milliy kengashga taklif kiritildi.

Sohalarga masʼul bo‘lgan rahbarlar yo‘l qo‘yilayotgan kamchilik va muammolar, ularning yechimlari bo'yicha tushuntirishlar berdilar.

Yig'ilishda To‘rtko‘l tumanini korrupsiyadan xoli hududga aylantirish bo‘yicha alohida amaliy chora-tadbirlar amalga oshirilishi belgilandi.

Korrupsiyaga qarshi kurashish agentligi va Milliy kengash mazkur loyiha doirasida barcha mutasaddi vazirlik, idoralar faoliyatini muvofiqlashtirgan holda, belgilangan vazifalarning o‘z vaqtida va sifatli bajarilishini taʼminlaydi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashishda "Adolat" partiyasi vakillari faol ishtirok etishadi

Korrupsiyaga qarshi kurashish bo‘yicha Milliy Kengashning kengaytirilgan yig‘ilishida Davlatimiz rahbari tomonidan korrupsiya illatiga qarshi kurashishda barchaning imkoniyatlarini birlashtirish, jamoatchilik, ayniqsa, siyosiy partiyalar imkoniyatlaridan foydalanish zarurligi alohida qayd etildi.

Yig‘ilishda belgilab bergan vazifalarni amalga oshirish, shuningdek, korrupsiyaga qarshi kurashishga keng jamoatchilikni faol safarbar qilish maqsadida 11- mart kuni Korrupsiyaga qarshi kurashish agentligi va “Adolat” sotsial demokratik partiyasi o‘rtasida hamkorlik memorandumi imzolandi.

Memorandumda belgilangan amaliy harakatlar doirasida bugun partiya aʼzolari, shuningdek, yoshlar, keng jamoatchilik vakillari uchun “Korrupsiya va komplayens nazorat” mavzusida seminar tashkil etildi.

Seminar davomida joriy yil aprelida Partiya tashabbusi bilan o'tkazilishi rejalashtirilgan “Korrupsiyaga qarshi kurashish oyligi”ni puxta va sifatli tashkil etish masalalari ham muhokama qilindi. Xususan, mazkur oylik doirasida har bir tashkilot, taʼlim muassasasi, mahallaga kirib borish orqali korrupsiyaga nisbatan murosasiz muhitini oshirish, korrupsiyaning oldini olish, unga sabab bo‘layotgan omillarni aniqlash bo‘yicha aholining takliflarini o‘rganish ko‘zda tutilmoqda.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiya yuqori bo‘lgan sohalardagi muammo va kamchiliklarni bartaraf etish choralari ko‘rilmoqda

Korrupsiyaga qarshi kurashish bo‘yicha milliy kengash yig‘ilishida Davlat rahbari tomonidan belgilab berilgan vazifalar ijrosini taʼminlash maqsadida korrupsiya yuqori bo‘lgan sohalardagi o‘rganishlar Farg‘ona viloyatida ham olib borilmoqda.

Xususan, Respublika idoralararo ishchi guruhining Farg‘ona shahar tibbiyot birlashmasi va ko‘p tarmoqli markaziy poliklinikasi, Respublika shoshilinch tibbiy yordam ilmiy markazi viloyat filialida o‘tkazilgan o‘rganishlarida pullik va bepul tibbiy xizmatlarni ko‘rsatish, ular to‘g‘risidagi axborotlardan jamoatchilikning xabardorligini oshirish bilan bog‘liq jarayonlarda qator kamchiliklar aniqlandi.

Farg‘ona shahar kambag‘allikni qisqartirish va bandlik bo‘limi tomonidan aholini bandligini taʼminlash, ochiq tanlovlar o‘tkazish, shahardagi barcha tashkilotlarning bo‘sh ish o‘rinlari to‘g‘risidagi maʼlumotlarni taqdim etilishini taʼminlash ustidan to‘liq nazorat o‘rnatilmagan.

Xalq bankining viloyat filiali faoliyatida esa elektron navbatlar tashkil qilish, imtiyozli kreditlar ajratish, sohani raqamlashtirish bilan bog‘liq jarayonlarda ayrim sustkashliklar aniqlandi.

Kadastr, qurilish, sog‘liqni saqlash, maktabgacha va maktab taʼlimi, bandlik, bank tizimidagi o‘rganishlar

Qo‘qon, Marg‘ilon shaharlari, Uchko‘prik, Oltiariq tumanlari

da ham o‘tkazildi.

Mazkur sohalarda aholi duch kelayotgan boshqa muammo va to‘siqlar xususida fuqarolar bilan to‘g‘ridan-to‘g‘ri muloqot qilinib, sohaga masʼul rahbarlar bilan birga muhokama qilindi va ularni tezkor bartaraf etish, kelgusida yo‘l qo‘ymaslik yuzasidan zarur chora-tadbirlar belgilab olindi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

“O‘zbekistonda korrupsiyaga qarshi milliy ekotizimni mustahkamlash” loyihasi bo'yicha natija va rejalar muhokama qilindi

Yevropa Ittifoqi moliyaviy ko‘magi doirasida Korrupsiyaga qarshi kurashish agentligi va BMT Taraqqiyot dasturi hamkorligida amalga oshirilayotgan “O‘zbekistonda korrupsiyaga qarshi milliy ekotizimni mustahkamlash” loyihasi bo'yicha kengash yig‘ilishi tashkil etildi.

Unda loyiha doirasida o‘tgan yili amalga oshirilgan ishlar hamda 2025-yildagi rejalar muhokama qilindi.

Loyiha doirasida xalqaro ekspertlar ishtirokida korrupsiyaga qarshi kurashish bo‘yicha milliy strategiya loyihasi ishlab chiqildi. Korrupsiya haqida xabar beruvchilarni himoya qilish bo‘yicha tayyorlangan qonun loyihasi Markaziy Osiyoda ushbu yo‘nalishdagi dastlabki tashabbuslardan biri bo‘ldi.

“Shaffof shaharlar” va “Halol munitsipalitetlar” metodologiyasi Mirzo Ulug‘bek, Vobkent tumanlari hamda Jizzax shahrida sinovdan o‘tkazildi. Shuningdek, NNTlarning eng samarali 8 ta tashabbusi qo‘llab-quvvatlandi.

Yig'ilishda Prezidentimiz raisligida o‘tkazilgan Korrupsiyaga qarshi kurashish milliy kengashining kengaytirilgan yig‘ilishida belgilab berilgan vazifa va topshiriqlardan kelib chiqib, loyiha doirasidagi yangi tashabbus va takliflar muhokama qilindi.

Unga ko'ra, endilikda “Gender va korrupsiya”, “Korrupsiya xavfini kamaytirishda surishtiruv jurnalistikasining o‘rni” mavzularida tadqiqotlar o‘tkazish hamda mahalliy yaxlitlik tizimini baholash (LISA) jarayonini amalga oshirish ko'zda tutilmoqda.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt