Korrupsiyaga qarshi kurashish agentligi

Korrupsiyaga qarshi kurashish Virtual akademiyasi faoliyatini samarali tashkil etish masalalari muhokama qilindi

Korrupsiyaga qarshi kurashish agentligi direktori Akmal Burxanov Korrupsiyaga qarshi kurashish virtual akademiyasi elektron platformasi faoliyatini samarali tashkil etish yuzasidan amalga oshirilayotgan ishlar bilan yaqindan tanishish maqsadida Huquqni muhofaza qilish akademiyasida bo‘ldi.

Maʼlumot uchun: Virtual akademiya elektron platformasida komplayens-nazorat tuzilmalarining 652 nafar xodimi uchun “Korrupsiyaga qarshi kurashish bo‘yicha samarali idoraviy chora-tadbirlar tashkil etilishini taʼminlash” mavzusida, davlat idoralarining 85206 nafar mas’ul xodimi uchun “Manfaatlar to’qnashuvi to’g’risidagi qonunning mazmun-mohiyati” mavzusida kurslar tashkil etildi. Bu yil mart oyidan boshlab har oyda 10 tadan vazirlik va idoralar xodimlarini o‘qitish nazarda tutilgan.

Agentlik direktori Virtual akademiya elektron platformasida sunʼiy intellekt imkoniyatlaridan samarali foydalanish, maxsus o‘quv dasturlarini maktabgacha taʼlim, maktab taʼlimi, oliy taʼlim muassasalari o‘quv dasturlari bilan moslashtirish choralarini ko‘rish lozimligini qayd etdi.

Shuningdek, Agentlik tomonidan eʼlon qilib kelinayotgan reytinglarda qoniqarsiz ko‘rsatkichlarni qayd etgan davlat idoralari va tashkilotlari mas’ul xodimlari uchun maxsus malaka oshirish kurslarini tashkil etish maqsadga muvofiqligi ta’kidlandi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi direktori Akmal Burxanov “Toshkent-Markaziy” temir yo‘l vokzalida yo‘lovchilar uchun yaratilgan shart-sharoitlar, byurokratiya va korrupsiyaning oldini olish, raqamlashtirish bo’yicha ko’rilayotgan choralar bilan tanishdi

Ma’lumki, sohada korrupsiya va inson omilini oldini olish bo’yicha amalga oshirilgan ijobiy ishlardan biri – chiptalarni elektron (maxsus sayt yoki mobil ilova orqali) sotish tizimi joriy qilinganligi bo‘ldi.

Ma’lumot uchun: “O‘ztemiryo‘lyo‘lovchi” aksiyadorlik jamiyati tomonidan 2024-yilda 10 mln. yo‘lovchi tashilgan bo’lib, chiptalarning 72 foizi elektron tarzda sotib olingan. Chiptalarni sotib olishda navbatlar va korrupsiyaning oldini olish maqsadida yo‘lovchilarga navbat kutmasdan maxsus avtomatlashtirilgan chipta sotish terminali orqali xarid qilish imkonini beruvchi tizim ham ishga tushirildi. Hozirda ushbu avtomatlashtirilgan terminal Toshkent-Markaziy vokzaliga o’rnatilgan bo’lib, yaqin kunlarda uni respublikaning barcha temiryo‘l vokzallariga o‘rnatish rejalashtirilgan.

Akmal Burxanov yo‘lovchilarga yanada qulaylik yaratish maqsadida bunday terminallarni nafaqat vokzallar hududiga, balki tuman-shaharlarda ham fuqarolarga qulay bo’lgan joylarga o’rnatish choralarini ko’rish maqsadga muvofiqligini qayd etdi.

Bundan tashqari, kutish zali hamda vagonlardagi sharoit va boshqa xizmat ko‘rsatish bilan bog‘liq masalalarda yo‘lovchilarning ham fikr-mulohazalari, takliflari o‘rganildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi direktori, yuridik fanlar doktori Akmal Burxanov bugun Yuristlar malakasini oshirish markazida adliya organlari va muassasalari rahbarlarining malakasini oshirishga qaratilgan o‘quv kursida maʼruza bilan ishtirok etdi.

Ma’ruzada “Manfaatlar to’qnashuvi to’g’risida”gi Qonunning jamiyat va davlat uchun ahamiyati, xususan, ochiqlik va shaffoflikni taʼminlash, korrupsiya holatlarini bartaraf etishdagi dolzarbligi xususida atroflicha so‘z yuritildi.

Akmal Burxanov davlat organlarining manfaatlar to‘qnashuvi bilan bog‘liq munosabatlarni tartibga solishdagi vazifalari xususida to‘xtalar ekan, jumladan shunday dedi:

— Manfaatlar to‘qnashuviga yo‘l qo‘ymaslik, avvalambor, rahbar zimmasiga yuklangan masʼuliyatdir. Bu faqatgina jamoatchilikning ishonchini saqlab qolish uchun emas, balki halol va adolatli tizimni yaratish uchun muhim daxldorlikni anglatadi.

Shuningdek, korrupsiyaga qarshi kurashishga qaratilgan saʼy-harakatlarni yanada faollashtirish borasida ham o‘zaro fikr almashildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat xaridlarida korrupsiyaning oldini olish masalalariga bag‘ishlangan risola va qo‘llanma tayyorlanmoqda

Shu kunlarda Korrupsiyaga qarshi kurashish agentligi, Bosh prokuratura, Adliya vazirligi, Iqtisodiyot va moliya vazirligi, Huquqni muhofaza qilish akademiyasi hamda Toshkent davlat yuridik universiteti vakillaridan iborat Ishchi guruh tomonidan davlat xaridlariga oid risola hamda qo‘llanma ustida ish olib borilmoqda.

Yaponiya xalqaro hamkorlik agentligi (JICA) va Agentlik hamkorligida 2024-2025 yillarga mo‘ljallangan texnik ko‘mak loyihasi doirasida tayyorlanayotgan ushbu ishlanmalarda davlat xaridlari jarayonida eng ko‘p uchraydigan korrupsiya holatlari, muammoli vaziyatlar va ularning yechimlari O‘zbekiston hamda Yaponiya tajribasidagi aniq amaliy misollar orqali atroflicha bayon qilinmoqda.

Yaponiyalik ekspertlar Katsuya Ichixashi, Mikiko Matsumoto hamda Rie Yasudaning amaliy ko‘magida qo’llanma va risola loyihasi mazmunan va sifat jihatidan yanada boyitilmoqda.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt