AnDTIda raqamlar dastur bilan boshqariladigan dastgohlarni boshqaruvchi mutaxassislarni tayyorlovchi markaz tashkil etiladi
Andijon davlat texnika institutiga Germaniya Federativ Respublikasining Tech Pro Engineering group (TPE) prezidenti Dieter Korel va Markaziy Osiyo bo‘yicha vitse-prezident Kamoliddin Hamidov hamda ATE (Ate tools) GmvH kompaniyasi prezidenti Andreas Teichertlar tashrif buyurdi.
Mehmonlar institut mas’ullari bilan birga muassasada yaratilgan sharoit va imkoniyatlar bilan yaqindan tanishdilar.
Tashrif davomida o‘zaro hamkorlik aloqalarini o‘rnatish, muassasada yoshlarni raqamli dastur bilan boshqariladigan dastgohlarini boshqarish qisqa muddatli kurslarni tashkil etish yuzasidan muzokaralar o‘tkazildi.
Qayd etish lozim, ushbu yo‘nalish bo‘yicha Yevropa, ayniqsa Germaniyada mutaxassislar yetishmovchiligi mavjud. Agarda kelishuvga erishilsa, kelgusida Markaz orqali yil davomida 100 nafar mutaxassislarni tayyorlash va qayta tayyorlash mumkin bo‘lib, bitiruvchi tinglovchilarning 30-40 nafarini ishlash uchun xorijiy davlatlarga yuborish imkoniyati vujudga keladi.
