"Do‘ppi tikdim... ipaklari tillodan", – deb kuylanadi mashhur o‘zbek qo‘shig‘ida. Tajribali usta kashtachilarning mohir qo‘llari bilan yaratilgan do‘ppilar milliy san’at asarlari hisoblanadi.

🇺🇿 O‘zbek do‘ppisi nafaqat kiyim aksessuari, balki xalq madaniyatining muhim tarkibiy qismidir. Erkaklar, ayollar, bolalar va qariyalar kiygan do‘ppilar har bir hududga xos naqsh va uslublarga ega. Ayollar do‘ppilari asosan gullar, mevalar va qushlar bilan bezatiladi. Ayniqsa, atirgul, chinnigul, lola, anor, bodom va qalampir tasvirlari mashhur.

👩‍🎓 21-fevral kuni “O‘simliklar himoyasi, agrokimyo va tuproqshunoslik” fakultetining xotin-qizlar masalalari bo‘yicha dekan maslahatchisi M. Mirzaitova va fakultetning faol talaba-qizlari Milliy libos kuni munosabati bilan do‘ppini ommalashtirishga oid tashabbus bilan chiqishdi.