O‘simliklarni himoya, agrokimyo va tuproqshunoslik fakulteti jamoasi Milliy kiyimlar kuni munosabati bilan "Doppi chellenj" o‘tkazdi. Tadbir davomida talabalar va professor-o‘qituvchilar milliy do‘ppilarni kiyib, o‘zbek milliy kiyimlariga bo‘lgan hurmatini namoyon etdilar.

Mazkur chellenj milliy anʼanalarimizni saqlash va keng ommaga targ‘ib qilish maqsadida tashkil etildi. Do‘ppi – o‘zbek milliy madaniyatining muhim timsollaridan biri bo‘lib, uning har bir naqshida boy tarix va ajdodlarimizning donishmandligi mujassamdir.