✨Andijon shahrida Z.M.Bobur tavalludining 542 yilligi munosabati bilan “Bobur hayoti va ijodi” mavzusida ilmiy-amaliy uchrashuv o‘tkazildi. Tadbir O‘zbekiston Yoshlar Ittifoqi, Andijon viloyat Kengashi, Yoshlar ishlari agentligi va Bobur nomidagi Xalqaro jamoat fondi hamkorligida tashkil etildi. Unda Boburshunos olimlar, ijodkorlar va talaba yoshlar ishtirok etdilar.

✨Tadbirda “Bobur Xalqaro Jamoat Fondi” raisi Z.Mashrabov ishtirokchilarga ilmiy ekspeditsiya tomonidan Boburiylar tarixini o‘rganish yo‘lida amalga oshirilgan tadqiqotlar, shuningdek Hindiston, Pokiston va Afg‘oniston bilan o‘zaro hamkorlik aʼloqalari bo‘yicha amalga oshirilgan ishlar haqida qiziqarli ma’lumotlar taqdim etdi.

✨Konferensiyadan so‘ng, institutimizning yoshlar masalalari bo‘yicha rektor maslahatchisi O.Abdullayev boshchiligida talabalar Bobur muzeyi va unga oid bir qator obyektlarga tashrif buyurdilar. Bu tashrif talabalarga Boburning hayoti va ijodiga yanada yaqinroq tanishish imkoniyatini yaratdi.