Andijon tuman AKM | 📖 Rasmiy kanali

#Кадровик
Меҳнат таътилларини ҳисоблаш, уларнинг турларини тўғри қўллаш корхона, ташкилот кадровиклари учун ҳар доим қийинчилик туғдирган айниқса, янги меҳнат кодекси қабул қилингандан сўнг бу янада мураккаблашди. Мазкур постда таътиллар масаласига батафсил тўхталиб ўтаман.

МК 217-моддасига асосан Ходимларга ҳар йилги асосий энг кам меҳнат таътилининг давомийлиги йигирма бир календарь кунни ташкил этади.

МК-218-моддасига асосан Ҳар йилги қуйидаги ходимларга ёши ва соғлиғининг ҳолати ҳисобга олинган ҳолда узайтириладиган таътиллар берилади буни ёдингиздан чиқарманг:

👉 ўн саккиз ёшгача бўлган шахсларга — ўттиз календарь кун;
👉 I ва II гуруҳ ногиронлиги бўлган ходимларга — ўттиз календарь кун.
👉 Давлат ҳокимияти ва бошқаруви органлари ходимларига давомийлиги йигирма етти календарь кун бўлган ҳар йилги асосий узайтирилган таътил берилади, бундан давлат ходимларининг айрим тоифалари учун қонунда ҳар йилги асосий узайтирилган таътилнинг узоқроқ давомийлиги белгиланган ҳоллар мустасно.

МК- 481-моддасига асосан агар ходимлар Ноқулай меҳнат шароитларидаги ишда ишласа, бундай тоифадаги ходимларга ҳам қўшимча таътиллар берилади. Қўшимча таътил олиш ҳуқуқини берадиган ишлар, касблар ва лавозимлар рўйхати, таътилларнинг давомийлиги, уларни бериш тартиби ва шартлари жамоа келишувларида, жамоа шартномасида, агар у тузилмаган бўлса, — иш берувчи томонидан касаба уюшмаси қўмитаси билан келишилган ҳолда, Ўзбекистон Республикаси Вазирлар Маҳкамаси томонидан тасдиқланадиган Иш ўринларини меҳнат шароитлари ва асбоб-ускунанинг жароҳат етказиш хавфи юзасидан аттестациядан ўтказиш тартиби тўғрисидаги низомга мувофиқ белгиланади.

МК-483-моддаси Ноқулай табиий-иқлим шароитларидаги иш учун ҳам узайтирилган таътиллар берилади. Табиий-иқлим шароитлари ноқулай ҳудудларнинг рўйхати ва бундай шароитлардаги иш учун бериладиган йиллик қўшимча таътилнинг энг қисқа давомийлиги Ўзбекистон Республикаси Вазирлар Маҳкамаси томонидан белгиланади.

МК-220-модда Битта ташкилотда ёки тармоқда кўп йиллик иш стажи учун ҳам қўшимча таътиллар берилади. Ходимга у битта ташкилотда ёки тармоқда ишлаган ҳар беш йил учун давомийлиги икки календарь кун бўлган, бироқ жами саккиз календарь кундан кўп бўлмаган ҳар йилги қўшимча меҳнат таътили берилади.

МК-401-моддасига асосан ўн икки ёшга тўлмаган икки ва ундан ортиқ боланинг ёки ўн олти ёшга тўлмаган ногиронлиги бўлган боланинг ота-онасидан бирига (ота-она ўрнини босувчи шахсга) ҳар йили давомийлиги камида тўрт календарь кун бўлган ҳақ тўланадиган қўшимча таътил берилади.

❗️Шундай саволлар келиб тушадики, бу таътилларни олувчи ходимлар юқоридаги таътил турларининг бир нечтасига тушса барчаси қўшиладими деган мазмунда. Ҳа қўшилади. Масалан, корхонада ходимнинг 12 ёшгача тўлмаган 2 фарзанди бўлиб у корхонада 10 йилдан буён ишлаётган бўлса, унга МКнинг 401-моддасига асосан 4 кун ва МКнинг 220 моддасига асосан 4 кун қўшимча ҳақ тўланадиган таътиллар қўшиб ҳисобланади.

Саволингизни: @yuristgamurojaat ga қолдиринг

👉 @yuristlar_maslahati 👈‌‌

МАМНУНМАН

Ҳақорат қилганлар, сиздан мамнунман,
Сиз туфайли билдим бу ёмонлигин.
Иғво қилишганлар, сиздан мамнунман,
Сиз туфайли билдим иғво бадлигин.

Йўлимни тўсганлар сабоқ бердингиз,
Ҳар қадам курашиб яшамоқликни.
Ёмон кўрганларим тушунтирдингиз,
Ёмонга қандайин йўл тутмоқликни.

Мақтанчоқ инсонлар сизга ҳам раҳмат,
Мақтаниш бадлигин англатдингиз сиз.
Кибрли танишлар сизга ҳам раҳмат,
Кибр хунуклигин англатолдингиз.

Баднафс танишлардан кўп миннаддорман,
Сизсиз билармидим нафс шайтонлигин.
Ўзимнинг нафсимга разм солмасдан,
Бузармидим мен ҳам ўзим соғлигим.

Мен учун бердингиз ҳаммангиз сабоқ,
Сиз туфайли билдим хушхулқ нелигин.
Сизларнинг ишингиз кўрдиму бироқ,
Яхши бўлди менга қилганим тесин.
              Ғани Мажид

ТУБАНЛАШИБ КЕТМОҚДА ОДАМ

Оқибатли дўстлар жуда кам,
Бойимоқлик ҳар инсонда ғам,
Зўр яшашни исташар ҳар дам,
Тубанлашиб кетмоқда одам.

Узоқлашиб кетар қариндош,
Қадрланмас кўп маҳалладош,
Кўп эр-хотин эмасдир сирдош,
Тубанлашиб кетмоқда одам.

Бир-бирини алдар кўп одам,
Кимлар кимга ўтказар алам,
Худбинликка тўлмоқда олам,
Тубанлашиб кетмоқда одам.

Саҳоватли эмас кўп бойлар,
Яна бойиш йўлини ўйлар,
Топиш қийин чин Ҳотамтойлар,
Тубанлашиб кетмоқда одам.

Иғволи сўз ҳар бир суҳбатда,
Юзакилик ишқ-муҳаббатда,
Сохта ишлар чиқди одатга,
Тубанлашиб кетмоқда одам.

Ҳажга борар намоз ўқимай,
Жума борар намоз ўқимай,
Рўза тутар намоз ўқимай
Тубанлашиб кетмоқда одам.

Хўжа кўрсин қилган эҳсонлар,
Манфаат кўзлаб келар меҳмонлар,
Хўжа кўрсин ҳатто имонлар,
Тубанлашиб кетмоқда одам.

Тубанлашиб кетса гар одам,
Жаҳаннамга айланар олам,
Юрагимда ваҳима ҳар дам,
Тубанлашиб кетмоқда одам.
          Ғани Мажид