Emil Andartegin Ustaz "СУРОО-ЖООП" КАНАЛ

СУРОО:
Ассаляму алейкум бир тууган синдим баламды эмизет,бирок жолдошум билбейт куноо эмесби?

Ustaz Emil Andartegin:
Күйөөсүнүн уруксатысыз башка баланы эмизүү - аялга күнөө (макүрөө). Анткени аялдын көкүрөгүнөн чыккан сүтү, төрөгөн баласы - күйөөсүнүкү. Ошондуктан балага атты атасы коёт, тегин ээрчийт, багууга милдеттүү ж.б. Башка аялды эмизүү үчүн да күйөөсүнөн уруксат алышы керек.
Бир гана баланын жанын сактоо максатында уруксатсыз эмизсе болот. Ыйласа эле эмизе бербейт.

Сиздер туура эмес кылгансыздар. Күнөө. Синдиңиз баласын эмизгенин күйөөңүз билиши керек.

امْرَأَةٌ تُرْضِعُ صَبِيًّا بِغَيْرِ إذْنِ زَوْجِهَا يُكْرَهُ لَهَا ذَلِكَ إلَّا إذَا خَافَتْ هَلَاكَ الرَّضِيعِ فَحِينَئِذٍ لَا بَأْسَ بِهِ كَذَا فِي فَتَاوَى قَاضِي خَانْ
--------
ص372 - كتاب الفتاوى العالمكيرية الفتاوى الهندية - الباب الثلاثون في المتفرقات

СУРОО:
Салам алейкум. Устаз, сатып алуучунун акчасы харам болсо сатуучу ошол акчаны алса зыяны тийбейби?

Ustaz Emil Andartegin:
1. Кардар берчү акча же буюм, ага арам жол менен келгендиги анык болсо, мисалы бирөөдөн урдап келип сиз менен соода кылып жатса, анадан сатып алууңуз же сатууңуз – арам.
2. Байлыгы же кирешесинин көпчүлүк бөлүгү арам жол менен табылгна адам менен соода кылуу арам эмес, бирок арамга жакын макүрөө болот (жактырылбайт).
3. Байлыгынын теңи же аз бөлүгү арам болгон адамга сатуу/сатып алуу – адал. Макүрөө эмес.
4. Байлыгы адалбы же арамбы белгисиз болсо, соода кылуу – адал. Сурап, тактоо керек эмес. Мусулман жөнүндө жакшы ойдо болуу – важиб.


فمن الحنفية: قال العلامة الطحطاوي الحنفي في "حاشيته على مراقي الفلاح" (ص: 35، ط. دار الكتب العلمية): [معاملة من أكثر ماله حرام لا تحرم مبايعته حيث لم يتحقق حرمة ما أخذه منه، ولكن يُكرَه؛ خوفًا من الوقوع في الحرام]

СУРОО:
Салам алейкум устаз.
Аялдар сажда кылганда буттарынын манжаларын эркектер сыяктуу эле Кыбыланы каратабы же каратпайбы?

Ustaz Emil Andartegin:
Аял кишинин намазы эрекектин намазынан бир топ жерде айырмаланат.

Эң негизги эреже - аял киши намазды жарышылып, жамынып, кымтынып окуйт.

Ошондуктан сажда кылганда, буттарынын манжаларын эркектердей кыбылага каратып буруп, согончогун тик кылышпайт.

"وَيُزَادُ عَلَى الْعَشْرِ أَنَّهَا لَا تَنْصِبُ أَصَابِعَ الْقَدَمَيْنِ كَمَا ذَكَرَهُ فِي الْمُجْتَبَى".
ص339 - كتاب البحر الرائق شرح كنز الدقائق
أوصلها ابن عادين إلى ستة و عشرين.

#диниңдибил
#суроожооп
#андартегин

СУРОО:
Дин илмин берип акча табууну окуму кандай?

Ustaz Emil Andartgein:
Дин илимин, Куранды үйрөткөн үчүн акы алуу шариятта адал экендиги баарына эле маалым.
Бул суроонун ээси кандай ниетте сураганын билбейм, туура эмес түшүнсөм кечирим сурайм. Бирок көпчүлүк учурда, сын-пикир катары сурашат.
Илимдин эшиги - устазга кызмат кылуу, курманчылык. Устазга кызмат көрсөтсөң илим жугат, балдарыңдан аалым чыгат.
Эл илимдин баркын билбегендиктен канчалаган аалым жигиттер Лондондо кызылча терип, Бишкекте мастарды ташып, такси кылып жүрүшөт...
Ким акы төлөп дин илимин үйрөнүп жатканына беймаза болсо, акы берип окубасын. Андай адамга илим баары бир жукпайт.

СУРОО:
Намаз окуйбуз адал Акча табабыз Оз мээнетибиз мн бирок 25 жыл үйүбүз жок.

Ustaz Emil Andartegin: Кудайга кулдук ураарда ыраазылыгынан башка эч нерсени үмүт кылба!

Кулуну кур калтырабы же ырыстарга бөлөйбү Кожоюндун өз эрки.

Жазмышыңа ыраазы бол!
Зулумдук кылбаарын унутпа!
Даанышмандуулук, ырайымдуулук Анда гана.

СУРОО:
Салам алейкум, устаз эгерде, тамашалашып кыз менен эркек баш кошууга макул болуп, жанында күбөлөр болсо нике кыйылып калуусу мүмкүнбү?

Ustaz Emil Andartegin:
Алланын элчиси (саллаллоху алайхи уа саллам) айткан: “Үч нерсерин азили да чын, чыны да чын: талак, кул азат кылуу жана нике”.
Эгер никенин шарттары толук табылган болсо, тамашалашып кыйса да нике байланып калат.

وَكَذَلِكَ الْجِدُّ لَيْسَ مِنْ شَرَائِطِ جَوَازِ النِّكَاحِ حَتَّى يَجُوزَ نِكَاحُ الْهَازِلِ؛ لِأَنَّ الشَّرْعَ جَعَلَ الْجِدَّ، وَالْهَزْلَ فِي بَابِ النِّكَاحِ سَوَاءً قَالَ النَّبِيُّ: ﷺ «ثَلَاثٌ جِدُّهُنَّ جِدٌّ، وَهَزْلُهُنَّ جِدٌّ الطَّلَاقُ وَالْعَتَاقُ وَالنِّكَاحُ» وَكَذَلِكَ الْعَمْدُ عِنْدَنَا حَتَّى يَجُوزَ نِكَاحُ الْخَاطِئِ وَهُوَ الَّذِي يَسْبِقُ عَلَى لِسَانِهِ كَلِمَةُ النِّكَاحِ مِنْ غَيْرِ قَصْدِهِ.
ص310 - كتاب بدائع الصنائع في ترتيب الشرائع

#диниңдибил

СУРОО:
Ассаламу алейкум менин суроом азыр убакта Ислам жатында сабактар чыгып атат мисалы ибадат менен тагдырынды озгорт Жана башка ушундай сабактар ушуларга катышса болобу?

Ustaz Emil Andartegin:
Исламдын атынан сүйлөгөн жахилдер* көбөйдү. Напсини тизгиндегендин ордуна, шахватынын** аркасынан ээрчип, шайтанга*** жетеленгендер көбөйдү.
Алла Таала бир нерсени жаратаарда, анын убактысын, ырыскысын, жээр тузун, ичээр суусун жана абалдарын кайгы- капа, кубанычын пенде эмнени тандаарын алдын ала билип, өлчөп , өзү каалагандай жаратат. Ошол тагдыр делет.
Алла Тааланын илими өзгөрбөгөндөй эле, тагдыр да өзгөрбөйт.
Пенде тагдырына эмне жазылганын билбейт, ошондуктан ал себептерди карманууга буйрулган. Ибадат - себеп. Күнөө - себеп. Дары - себеп. От - себеп… себепти сен кыласың, натыйжаны Алла Таала кааласа жаратат, каалабаса жаратпайт.
Сен кулсуң. Кожоюнуң Кудайың. Кожоюнуң каалаган нерсесин кылат. Себепти аткарып, андан бир нерсени талап кыла албайсың. Сенин абалың, Кудайга кор болуу, айтканын аткарып, тыйгандан тыйылууң. Кудайга баш бербей күнөө кылсаң, азабынан Өзүнө гана качып кутула аласың!
Суроодогу сабактарга катышуу - туура жолдон адашуу жана элди адаштыруу.
Алла Өзү хидаят**** берсин🤲🏻

*Жахил (ар. جاهل) - наадан, илимсиз, караңгы.
**Шахват (ар. شهوة) - напсинин кумарына жетүү аракети.
***Шайтан (ар. شيطان) - адамдардан жана жиндерден болгон Жаратканга баш ийбеген макулук.
****Хидаят (ар. هداية) - туура жол.

﴿إِنَّ رَبَّكَ فَعَّالࣱ لِّمَا یُرِیدُ﴾ [هود ١٠٧]