❗️Факт: Аллергия тўғри даволанмаса бронхиал астмага ўтиб кетиши мумкин!

✅ "Атопик марш" – аллергик касалликларнинг ёшга боғлиқ тарзда ривожланишига нисбатан айтилади. Яъни, турли органларнинг атопик касалликлари ва сабабчи аллергенлари ёшга қараб кетма-кет ривожланади.

Атопик дерматит - одатда биринчи бўлиб ривожланади. Кейин IgЕ воситасида озиқ-овқат аллергияси ривожланади. Охирида ривожланадиган Аллергик ринит ва Аллергик астма атроф-муҳит аллергенларига сезгирликнинг янада ошишига олиб келади.


🚩 Старт – Атопик дерматит
🏁 Финиш – Аллергик ринит (ёки астма)

Атопик дерматит – "атопик марш" ривожланишининг бошланғич нуқтаси сифатида қаралади ва атопик дерматитнинг оғирлик даражаси ошиши билан озиқ-овқат аллергияси, аллергик ринит ва аллергик астма ривожланиш хавфи ҳам ортади.

Атопик дерматит билан касалланган болаларнинг қарийб ярмида ўсмирлик даврида ремиссия кузатилади, яъни касаллик уйқу ҳолатига ўтиб, бемор тузалиб кетади. Қолган ярмида эса давом этади.

Атопик дерматитдан келиб чиққан тери тўсиғининг дисфункцияси аллергенларнинг танага осонгина кириб боришига, сенсибилизация пайдо бўлишига замин яратади.

Кейин эса сенсибилизация бўлган иммунологик ҳужайралар ичак, ўпка ва бурунга тарқалади. Натижада беморларда озиқ-овқат аллергияси, аллергик астма ва аллергик ринит ривожланади.

Манба: https://pmc.ncbi.nlm.nih.gov/articles/PMC8620020/

❗️Шу сабабли ҳам атопик дерматит билан дерматолог врачлар эмас, айнан аллерголог врачлар шуғулланиши мақсадга мувофиқ!

© Жасур Давлатов – Сизнинг аллерголог шифокорингиз!

Клиника локацияси: t.me/allergiya/648
Телефон номер: +998946920852

Яқинларингизга юбориб қўйинг!

💬Telegram 📹Instagram 📹YouTube