Donald Trump "Silk Road" darknet-marketpleysi asoschisi Ross Ulbrichtni afv etdi, bu bilan uning saylovoldi kampaniyasida kriptoindustriya vakillariga bergan va'dasini bajardi. Ushbu vakillar uning kampaniyasiga $100 million miqdorida mablag' kiritishgan edi.
Silk Road xalqaro miqyosda eng yirik giyohvand moddalar savdosi maydonchalaridan biri sifatida tanilgan. Bundan tashqari, u yerda qurol, qotillik xizmatlari, shaxsiy ma'lumotlar, soxta hujjatlar va bolalar pornografiyasi kabi noqonuniy narsalar sotilgan.
Savdolar asosan bitkoin orqali amalga oshirilgan — Ulbricht kriptovalyuta tarafdorlarining ilk vakillaridan biri bo‘lgan. 2013-yilda ushbu platforma asoschisi hibsga olinib, 2015-yilda umrbod qamoq jazosiga hukm qilingan.
Trump Ulbrichtning jazosini jinoyatga nisbatan haddan tashqari og‘ir deb hisoblaydi. "Uni xuddi keyinchalik menga qarshi davlatni o‘zlariga bo‘ysundirgan iflos va aqldan ozgan odamlar sud qilishgan", — deb qo‘shimcha qilgan prezident.