***

men ko'p narsani bilmayman.

men dunyoni bilmayman,
fanni bilmayman,
o'qimaganman -
maktabga kam borganman.

men urushni bilmayman,
jangni bilmayman,
qurol nomlarini
pichoq ishlatishni ham bilmasam kerak

men hayvonlarni bilmayman
o'simlikni bilmayman
havo nega issiq
nega sovuq
yaxshi bilmayman

dunyoni bilmayman xullas -
qayerga borish
qayerda qolish...
tavba, inson shuncha ham
sodda bo'ladimi?

insonlar esimda emas,
so'zlar esimda emas,
insonlarni bilmayman,
chehralarni bilmayman,
kim nima degan esimda yo'q
kecha qo'shnimni ko'rib
kim edi, deb eslab turibman

nega men xotiramni bilmayman?
nega men eslab qolishim kerak?
nega men dunyoni bilishim kerak?

men dunyoni bilmayman,
men seni yaxshi ko'rishimni bilaman, xolos

qolgani esimda yo'q.

@ahmadali_writer
2024