ӘДИЛЛИК АДВОКАТЫ

❗️Қурылыс майданларында шаң ҳәм қум көтергенлик ушын ҳәкимшилик жуўапкершилик жазасы енгизилди

🔰Ҳәкимшилик жуўапкершилик ҳаққындағы кодекс усы ҳуқықбузарлық ушын лаўазымлы шахсларға БЕМниң 50 есесине шекемги муғдарда жәрийма салыўды нәзерде тутатуғын статья менен толықтырылды.

❇️Каналға қосылыў 👇👇👇
https://t.me/adillikadvokati

❗️Аттестациядан өте алмаған оқытыўшы менен мийнет шәртнамасы хызметкердиң маманлығы жетерли болмағанлығы себепли бийкар етиледи.

🔘Жаңа өзгериске бола, Жумыс бериўши мийнет шәртнамасын бийкар етпеген жағдайда, гезектеги мәжбүрий аттестациядан өте алмаған жоқары мағлыўматқа ийе болмаған және қәниге (жоқары мағлыўматлы оқытыўшы) лаўазымындағы педагог кадр гезексиз аттестацияға көби менен еки рет избе-из тартылады. Онда еки мәртеден биреўинде де гезексиз аттестациядан өте алмаған ямаса кеширимли себепсиз (кеселликке шатылыў ақыбетинде мийнетке жарамсызлық дәўиринде ҳәмде мәмлекетлик ямаса жәмийетлик ўазыйпаларды орынлағанынан тысқары жағдайларда) аттестацияда қатнаспаған педагог кадр менен дүзилген мийнет шәртнамасы мийнет ҳаққындағы нызам ҳүжжетлеринде белгиленген тәртипте хызметкердиң маманлығы жетерли болмағанлығы себепли бийкар етиледи.

▪️Аттестациядан өте алмаған жоқары мағлыўматқа ийе болмаған ҳәмде қәниге (жоқары мағлыўматлы оқытыўшы) лаўазымындағы педагог кадрларды избе-из еки мәрте гезексиз аттестацияға тартыўға педагог кадр жумыс алып барып атырған билимлендириў шөлкеминиң басшысы жеке жуўапкер есапланады.

▪️Аттестациядан өте алмағанлығы себепли мийнет ҳаққындағы нызам ҳүжжетлеринде белгиленген тәртипте педагоглардың мийнет шәртнамасы бийкар етилген жағдайда (хызметкердиң маманлығы жетерли болмағанлығы себепли) педагог кадр тек ғана өз қәлеўи менен гезектен тысқары Кәсиплик сертификатлаў сынағында қатнасып, сертификатты қолға киргизген жағдайда, педагог сыпатында және жумысқа қабыл етилиўи мүмкин.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

⚡️Бир қатар педагоглар мәжбүрий аттестациядан азат етиледи.

📃Министрлер Кабинетиниң қарарына (130-санлы, 28.02.2025-жыл.) бола, 2025-жыл 1-сентябрьге шекем:

1️⃣ Гезектеги мәжбүрий аттестацияға тартылмаған, сондай-ақ, аттестациядан өтиў мүддети тамамланған ҳәм әмелдеги маманлық категориясы сақланып қалған төмендеги педагоглар мәжбүрий аттестацияға тартылмайды ҳәм оларға әмелдеги маманлық категориясы (лаўазымы) бойынша ҳақы төленеди:

▪️жоқары маманлық категориясына (бас оқытыўшы лаўазымына) ийе болғанынан соң усы категорияны (лаўазымды) 15 жыл даўамында сақлап келген ҳәм үзликсиз жумыс стажына ийе болған;
▪️педагогикалық жумыс бойынша 25 жыл ҳәм оннан көп жумыс стажына ийе болған;
▪️жасқа байланыслы пенсияға шығыўы ушын 5 жылдан көп болмаған ўақыт қалған;
▪️педагогикалық жумыс пенен шуғылланып атырған пенсия жасына толған педагоглар;

2️⃣ Төмендеги талаплардан бирине жуўап беретуғын педагогларға тиккелей маманлық категориясы (лаўазымы) бериледи:

▪️педагогикалық жумыс бойынша 25 жыл ҳәм оннан көп жумыс стажына ийе болған педагогларға - олардың әмелдеги маманлық категориясы (лаўазымы);
▪️жасқа байланыслы пенсияға шығыўы ушын 5 жылдан көп болмаған ўақыт қалған педагогларға - олардың әмелдеги маманлық категориясы (лаўазымы);
▪️жоқары маманлық категориясына (бас оқытыўшы лаўазымына) ийе болғанынан соң усы категорияны (лаўазымды) 15 жыл даўамында сақлап қалған ҳәм үзликсиз жумыс стажына ийе болған педагогларға - жоқары маманлық категориясы (бас оқытыўшы лаўазымы).

✅ Сондай-ақ, төмендегилер нәзерде тутылмақта:

🔹билимлендириў шөлкемлеринде жумыс ислеп атырған музыка мәденияты ҳәм дене тәрбиясы пәни педагоглары, пенсия жасындағы педагоглар ҳәм жоқары мағлыўматқа ийе болмаған педагогларды аттестациядан өткериў;
🔹Мектепке шекемги ҳәм мектеп билимлендириўи министрлиги системасында жумыс ислеп атырған маман педагог кадрлар ҳәм алдыңғы хызметкерлерди хошаметлеў;
🔹Мектепке шекемги ҳәм мектеп билимлендириўи министри қорының жумысын жетилистириў.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

⚡️️ Нызамшылыққа бола, хызметкер өзиниң үстинен хызмет тексериўи өткерилип атырғанда төмендеги қорғаныў шараларынан пайдаланыўы мүмкин.

1. 🔴 Мийнет нызамшылығынан пайдаланыў:
Хызмет тексериўи процесинде хызметкер өзиниң мийнет ҳуқықларын билиўи ҳәм олардан пайдаланыўы мүмкин. Мийнет кодексиниң 302-311-статьяларында хызмет тексериўи өткериўге байланыслы тәртип-қағыйдалар белгиленген.

2. 👨‍🎓 Юридикалық жәрдемнен пайдаланыў:
Хызметкер өз ҳуқықларын қорғаў ушын адвокат хызметинен пайдаланыўы мүмкин. Тексериў процесинде адвокат ямаса юрист пенен мәсләҳәтлесиў хызметкерге нызамлы ҳуқықларын қорғаўда жәрдем береди.

3. ✅ Жазба наразылықлар:
Хызметкер тексериў жуўмағы яки нәтийжесине гүманланса, өзине қарата шығарылған жуўмақларға жазба түрде қарсылық билдириўи мүмкин. Берилген наразылықлар жумыс бериўши тәрепинен көрип шығылыўы ҳәм тастыйықланыўы ямаса бийкар етилиўи мүмкин.

4. 💻 Тексериў процесиндеги қәтелерди анықлаў:
Егер тексериў процесинде қандай да бир қәте-кемшиликлер болса (мәселен, жеке мағлыўматлардың анық емеслиги, тексериў предмети шеңберинен шығып кетиў ямаса әдилсизлик), хызметкер бул қәтелер ҳаққында жазба хабар бериў ҳәм бул қәтелерди шешиў ушын жумыс бериўшиден ямаса тийисли уйымлардан жәрдем сораў имканиятына ийе.

5. 🔍 Тексериўдиң ашық-айдынлығы:
Хызметкер тексериў процесин ашық-айдын ҳәм әдил алып барыў талабын қойыўы мүмкин. Бунда тексериўдиң мақсети, усыллары ҳәм нәтийжелери ҳаққында анық ҳәм толық мағлыўматлар бериўди талап етеди.

6. 📜 Тексериўдеги нызам бузыўшылықларға қарсы киргизилген шағым:
Егер хызметкер тексериў процесинде мийнет кодекси ҳәм ишки локал ҳүжжетлерге қайшы ҳәрекетлерди анықласа, ол шағым етиў ҳуқықына ийе.

7. ️ 📌 Жеке ҳәм корпоратив ҳуқықларын қорғаў:
Тексериўди өткериўде хызметкердиң жеке өмири ҳәм кәрхана сырларын қорғаў талап етиледи. Егер тексериўде бул ҳуқықлар бузылса, хызметкер оларды қорғаў ушын ҳуқықый илажлар көриўге ҳақылы.

8. 🏛 Судқа мүрәжат етиў:
Егер хызмет тексериўи нәтийжелери нызамға қайшы болса яки хызметкердиң ҳуқықлары бузылған болса, хызметкер судқа өз ҳуқықларын қорғаў бойынша даўа арзасы менен мүрәжат етиўи мүмкин.

📨 Адвокатқа сораў бериў

❇️Каналға қосылыў 👇👇👇
https://t.me/adillikadvokati

🧯️Тәбийғый газ ушын ысытыў мәўсиминде белгиленген базалық норма 1-апрельге шекем созылды

🔘Мағлыўмат ушын:
Алдын 1-марттан баслап ысытыў мәўсиминде тәбийғый газ ушын енгизилген 500 куб метрлик базалық норма 100 куб метрге түсирилиўи белгиленген еди.

❗️Бирақ, март айында ҳаўа температурасының төменлеўи, айырым күнлери түнде ҳәм күндиз 0°С дан төменлеўи ҳәм әдеттегиден суўығырақ болыўы күтилмекте.

📃Министрлер Кабинетиниң тийисли қарары менен ысытыў мәўсими ушын белгиленген 500 куб метрлик базалық норма 2025-жыл 1-апрельге шекем созылды.

⚡️Энергетика министрлиги

❇️Каналға қосылыў 👇👇👇
https://t.me/adillikadvokati

🗓️1-марттан баслап нызамшылықта нелер өзгереди?

Скутер ушын «права», ҳәкимлерге қосымша ўәкиллик, автоматикалық тайынланатуғын пенсия ҳәм майып балалар ушын күндизги күтим ─ Өзбекстан нызамшылығында жүз беретуғын айырым өзгерислерди еслетип өтемиз.

1. Скутер ҳәм мопедлер ушын айдаўшылық гүўалығы.
• 2025-жыл 1-марттан баслап скутер ҳәм мопедлерди басқарыў ушын тийисли категориядағы айдаўшылық гүўалығы талап етиледи.
• Сондай-ақ, двигатель көлеми 25-50 см³ ямаса электр қуўатлылығы 0,25-4 kW болған транспорт қураллары мәмлекетлик дизимнен өткерилиўи шәрт.

2. «Жасыл төлем» платформалары иске қосылады.
Физикалық ҳәм юридикалық тәреплердиң ықтыярый қайырқомлықлары ушын «Жасыл әлем» ҳәм «Жасыл төлем» платформалары енгизиледи.
• Қаржылар терек егиў ҳәм экологиялық жойбарларға бағдарландырылады.

3. Жергиликли ҳәкимликлердиң ўәкилликлери кеңейтириледи.
• Сатылмаған мәмлекетлик мүлклерди исбилерменлерге ижараға бериў ҳәм меншиклестириў имканияты жаратылады.
• Халықаралық тән алынған сертификатлар бойынша билимлендириў хызметлерин көрсетиўши қәнигелерге жеңилликлер бериледи.

4. Мобил тәжирийбе арттырыў хызметлери.
• Алыс ҳәм шетки аймақларда жайласқан мектепке шекемги билимлендириў шөлкемлери педагоглары ушын мобил тәжирийбе арттырыў бағдарламалары иске қосылады.

5. Әскерий хизметшилерге социаллық жәрдем.
• Әскерлер ушын турақ жай ижарасы бойынша компенсациялар арттырылады.
• 10 жылдан көп хызмет еткен әскерий хызметкерлерге турақ жай сатып алыў ушын ипотека кредитлери бойынша қосымша жеңилликлер бериледи.

6. Пенсияны автоматикалық тайынлаў.
• 2025-жыл 1-марттан баслап пенсия жасына жеткен пуқаралар ушын пенсия автоматикалық тәризде тайынланады, мүрәжат етиў шәрт болмайды.

7. Майып балалар ушын күндизги күтим хызмети.
• Тәжирийбе-сынақ түринде 3-18 жастағы майып балалар ушын күндизги күтим хызметлери жолға қойылады.

8. Экологиялық стикерлер бериў системасы.
• Транспорт қураллары экологиялық жағдайына қарап «жасыл», «сары» ҳәм «қызыл» категорияларға ажыратылады.
• «Қызыл» категорияға киретуғын машиналарға айырым экологиялық зоналарда ҳәрекетлениў шеклениўи ямаса қосымша төлем енгизилиўи мүмкин.

❇️Каналға қосылыў 👇👇👇
https://t.me/adillikadvokati