🍇 Bizning moliyaviy ahvolimizning o’rni kundalik hayotimizda beqiyosdir. Odamlar puldan qo’rqqandek u haqida gaplashishga qo’rqishadi va doimiy ravishda bunday turdagi suhbatlardan uzoqroq yurishga urinishadi. Ayni shu sababdan pul haqida yolg’on afsonalar yildan-yilga o’tgancha bizga meros bo’lib kelmoqda. Odamlar pul omad mevasi, poradan natijasi yoki kimningdir erkatoyi bo’lish xosilasi deb o’ylaydi.

📚 Bularning bari xato o’ylar emasmikin? Pul – aql, mehnat va to’g’ri muomala mevasidir. Siz, men va boshqalar ham moliyaviy erkin shaxs bo’la olamiz. Faqatgina bu uchun pulga va boylikka munosabatimizni o’zgartirsak kifoya (qalbshunoslarning doimiy gaplari yoki qandaydir kursning progrevidek yangragandir-a😂). Ishni biz hozirgi moliyaviy ahvolimizni tahlil qilishdan, o’ylashdan va ko’rib chiqishdan boshlashimiz kerak. Aynan hozir biz Morgan Houselning “The psychology of money” kitobi haqida gaplashamiz.

📨 Pul ishlash va pulni saqlab qolish
Pulni ishlab topish odamdan katta mahorat talab etmasa-da (pulni har kim ishlab topishi mumkin), uni ushlab qolish, depositlarda saqlash, to’g’ri investitsiya kiritish va hokazolar sizu bizdan yetarlicha mahorat talab etadi. Jek Londonning “Martin Iden” kitobidagi kambag’allikdan boylikka erishgan, ammo kasal bo’lib, oxirgi yillarda oshqozon kasaliga chalingan odam esizgizdadir? To’g’ri u yetarlicha mahorat bilan o’zini botqoqlikdan yuqoriga olib chiqa oldi, ammo natijasichi? Ayni shu sabab ham mahorat talab qiladi deyildi.

😋 Boylar pul ko’plikdan boyiydi
Bu ma’lum ma’noda xato gap. Boylar pulini to’g’ri taqsimlagani sababli boyligini ushlay oladi. Bir o’qigan kitobimda ajoyib jumla bor edi “ertadan oyligim oshsa yoki ko’p topib boshlasam pulim ko’payib, boyib ketaman deb o’ylama. Puling ko’payganiga yarasha xarajatlaring miqdori ham oshishi mumkin” deyilgan edi. Bu qaysidir ma’noda to’g’ri. Kam pul topgan va taqsimlay olmaydigan odam qo’liga katta miqdorda pul tushib boshlasa pulni avvalgidek sovurishda davom etadi. Endilikda uning harajatlari va need’lari oshadi.