ZIYO IZLAB | Расмий Канал

Тарих сўзлаганда

📜 Мадина аҳлининг мийқоти: "Абяр Али" ҳақидаги ҳақиқат

Кўпчилик билмайдиган қимматли маълумотлар

Кўпчилигимиз "Абяр Али" ни Мадина аҳлининг мийқоти сифатида биламиз. Бу ерда ҳаж ёки умра учун йўлга чиққан зиёратчилар ният қилиб, эҳромга кирадилар. Ушбу жой Шом ва унга яқин ҳудудлар аҳолиси учун ҳам мийқот ҳисобланади.

Расулуллоҳ соллаллоҳу алайҳи ва саллам давриларида ва ундан кейин бу жой "Зул Ҳулайфа" деб номланган.

Баъзи одамлар "Абяр Али" номи Али ибн Абу Толиб розияллоҳу анҳу билан боғлиқ деб нотўғри ўйлашлари мумкин, лекин бу тўғри эмас. Аслида бу ном Дарфур султонлиги султон Али ибн Динор шарафига қўйилган. (У зот 1856-1916 йилларда яшаб ўтган)

Али ибн Динор ким эди?

Али ибн Динор раҳматуллоҳи алайҳ ҳижрий 1315-йилда (милодий 1898-йил) ҳаж зиёрати учун мийқотга келганида, у ернинг ҳолати анча ёмон бўлиб кетганини кўрди. Шундан сўнг у зиёратчилар ичимлик суви ва озиқ-овқат олишлари учун қудуқлар қазиб берди.
Шунингдек, у Пайғамбаримиз соллаллоҳу алайҳи ва саллам ҳажга кетаётганда намоз ўқиган Зул-Ҳулайфа масжидини таъмирлади ва янгилади. У ушбу жойни ободонлаштиргани учун у " Абяр Али " (яъни, Али қудуқлари) деб номланди.

Али ибн Динор Дарфур (султонлигининг охирги) султони бўлган. Биз бу ҳудуд ҳақида фақат очарчилик ва қашшоқлик сабабли эшитган бўлсак ҳам, 1898—1917-йиллар оралиғида у муҳим аҳамиятга эга мусулмон султонлиги эди.

Али ибн Динорнинг хизматлари:

Миср Каъба учун каъбапўш (кисва) юборишда кечикканида, у Дарфур пойтахти Ал-Фашир шаҳрида Каъба қопламасини ишлаб чиқарувчи фабрика ташкил этди ва қарийб 20 йил давомида Каъба учун қопламани Маккага етказиб берди.

Африка мусулмонлари Дарфурни "Мусҳаф муқоваси" деб номлашади, чунки унинг аҳолиси орасида Қуръонни ёддан билувчи қорилар сони жуда кўп. Кўплаб талабалар Мисрнинг Ал-Азҳар университетида таҳсил олишга интилган. Дарфурдан бориб илм олувчилар тўхтовсиз давом этади ва улар учун махсус "Дарфур равоқи" мавжуд.

Дарфур ҳақида маълумот:

Ҳудуди Франция ҳудуди билан тенг.
Аҳолиси 6 миллион бўлиб, 99% мусулмонлардан иборат.
Қуръонни ёд олган мусулмонлар сони энг юқори бўлиб, аҳолининг 50% дан кўпроғи Қуръонни ёд билади.

Аллоҳ султон Али ибн Динорни раҳматига олсин!

▫️Изоҳ: Зулҳулайфа - уни Абяр Али деб ҳам номлашади. Бу жой Мадина аҳли ва ана шу ердан ўтганларнинг мийқотидир. Шимолий томонда Маккаи мукаррамадан 410 км. узоқликда, Масжиди Набавийдан 10 км. узоқликда жойлашган. У ерда Зулҳулайфа масжиди, Мийқот масжиди ва Шажара масжидлари бор. Асарларда келтирилишича, Расулуллоҳ соллаллоҳу алайҳи васаллам Макка томонга чиқадиган бўлсалар, Шажара номли масжидда намоз ўқирдилар.

Дарфур – Африка қитъасида, ҳозирги Суданнинг ғарбида жойлашган ҳудуд.

arabicuz

️♻️ Улашинг
https://t.me/ziyoizlab_uz

📿 Бугун Ҳабибимизга ﷺ кўп салавот айтинг
⠀
• صَلَّى اللهُ عَلَيْهِ وَسَلَّمَ
⠀
📿 Ўқилиши: "Соллаллоҳу ъалайҳи васаллам".
📜 Маъноси: "У зотга Аллоҳнинг салавот ва саломи бўлсин!"
⠀
• عَلَيْهِ السَّلَامَ
⠀
📿 Ўқилиши: "Алайҳиссалом".
📜 Маъноси: "У зотга салом бўлсин!"
⠀
• عَلَيْهِ الصَّلَاةُ وَالسَّلَامَ
⠀
📿 Ўқилиши: "Алайҳиссолату вассалам".
📜 Маъноси: "У зотга салавот ва салом бўлсин!"
⠀
• صَلَّى اللهُ عَلَى مُحَمَّدٍ
⠀
📿 Ўқилиши: "Соллаллоҳу ъалаа Муҳаммад".
📜 Маъноси: "Муҳаммадга Аллоҳнинг салавоти бўлсин!"
⠀
• أَللَّهُمَ صَلِّ وَسَلِّمْ وَبَارِكْ عَلَيْهِ
⠀
📿 Ўқилиши: "Аллоҳумма солли васаллим ва баарик ъалайҳи".
📜 Маъноси: "Аллоҳим! У зотга салавот ва салом йўлла, баракангни давомли қил!"
⠀
• أَللَّهُمَ صَلِّ عَلَى مُحَمَّدٍ وَعَلَى آلِ مُحَمَّدٍ
⠀
📿 Ўқилиши: "Аллоҳумма солли ъалаа Муҳаммадив ва ъалаа аали Муҳаммад".
📜 Маъноси: "Аллоҳим! Муҳаммадга, Муҳаммаднинг оиласига салавот йўлла!"
⠀
• أَللَّهُمَ صَلِّ عَلَى مُحَمَّدٍ النَّبِيِّ الأُمِّيِّ وَعَلَى آلِ مُحَمَّدٍ
⠀
📿 Ўқилиши: "Аллоҳумма солли ъалаа Муҳаммадинин Набиййил уммиййи ва ъалаа аали Муҳаммад".
📜 Маъноси: "Аллоҳим! (Бирон кишидан) ўқиш-ёзишни ўрганмаган набий Муҳаммадга, Муҳаммад оиласига салавот йўлла!"
⠀
• أَللَّهُمَ صَلِّ عَلَى مُحَمَّدٍ وَعَلَى آلِهِ وَسَلِّمْ
⠀
📿 Ўқилиши: "Аллоҳумма солли ъалаа Муҳаммадив ва ъалаа аалиҳи васаллим".
📜 Маъноси: "Аллоҳим! Муҳаммадга, у зот оиласига салавот ва салом йўлла!"
⠀
• صَلَّى اللهُ وَسَلَّمَ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ
⠀
📿 Ўқилиши: "Соллаллоҳу ва саллама ъалаа Набиййинаа Муҳаммад ва ъалаа аалиҳи ва асҳаабиҳи ажмаъийн".
📜 Маъноси: "Пайғамбаримизга, у зот оила аъзоларига, барча саҳобаларига Аллоҳнинг салавот ва саломлари бўлсин!"

️♻️ Улашинг
https://t.me/ziyoizlab_uz