Тун намозига ошиқ чўри

Айтишларича, Ҳасан ибн Солиҳнинг бир чўриси бўлган экан. У чўрисини бир қавмга сотиб юборибди. Зим-зиё кеча бўлганида чўри уйғониб дебди: “Эй ҳовлидагилар, намоз! Намоз!“.

Улар бўлса: “Нима, тонг отдими? Бомдод вақти бўлдими?“ - дебдилар. Шунда чўри: “Сизлар фарз намозларинигина ўқийсизми?“ - деб сўрабди. Улар: “Ҳа“, - деб жавоб беришибди.

Шундан сўнг, чўри Ҳасаннинг олдига қайтиб борибди ва: "Хожам, мени, фақатгина, фарзларни адо қиладиган қавмга сотибсиз. Мени қайтариб олинг", - дебди. Ҳасан уни қайтариб олибди.

«Ўлмас аёллар: қиссалар ва ибратлар»