Men bu yerga avval ham 2-3 marta borganman, lekin to’g’risi uncha qiziq bo’lmagan. Aytarli hechnima yo’qku deb yurardim.

Lekin bu safar, Mehrobdan chayon va O’tkan kunlar asarini o’qigan odam sifatida bu yerga borish boshqacha bo’ldi. Ichida yurganimda xuddi o’sha kitobdagi voqealar ko’z oldimda jonlanganday bo’ldi. Saroy dizayni va arxitekturasi ham ko’zimga boshqa va elegant ko’rindi.

Taxminan 2021-yillar, dugonalarim bilanmi yoki o’zimmi, shu yerda yurgandim, bir xola ishtiyoq bilan tomosha qilib turgan ekan. Oldida turgandim, keyin menga qarab “Bu haram qismi” deb qoldi. “Nima?” desam. Saroyni qolgan qismlari saqlanib qolmagan, lekin mana shu hozir turgan qismi “haram” ya’ni o’sha qizlar yashagan qismi ekan, xolani aytishi bo’yicha.

Mehrobdan chayon asarida ham aynan qizlar yashagan qismi ko’p tilga olingan. Shunga ham, bugun ancha qiziq bo’ldi.

Bundan tashqari rasmlar paydo bo’lib qolibdi. Juda chiroyli va ajoyib rasmlar xuddi chet eldagi galereyalarga o’xshab. Avval ko’rmagan edim ularni.

Xullasi kalom, oldin “O’tkan kunlar” va “Mehrobdan chayon” asarlarini o’qinglar, keyin O’rdaga kelinglar, boshqacha vibe beradi.