"Sun'iy intellekt va xalqaro huquq" mavzusida xalqaro ilmiy-amaliy konferensiya bo'lib o'tdi

⭕️Kuni kecha Jahon iqtisodiyoti va diplomatiya universitetida "Sun'iy intellekt va xalqaro huquq" mavzusidagi xalqaro ilmiy-amaliy konferensiya bo'lib o'tdi.

🤗 JIDU tashabbusi bilan tashkil etilgan ushbu konferensiyada Vazirlik, idora, ilmiy izlanuvchilar, xorijiy ekspert va talabalar hamda Raqamli texnologiyalar va sun'iy intellektni rivojlantirish ilmiy-tadqiqot instituti vakillari ishtirok etdi.

⭕️Xususan, Raqamli texnologiyalar vazirligi Sun'iy intellekt texnologiyalarini rivojlantirish departamenti Sun'iy intellekt texnologiyalarini rivojlantirish va metodologiyasi boshqarmasi boshlig'i A.Atabekov "Sun'iy intellektni 2030-yilga qadar rivojlantirish strategiyasi", Raqamli texnologiyalar va sun’iy intellektni rivojlantirish ilmiy-tadqiqot institutining bosh yuriskonsulti L.Isxakova "Sun'iy intellektdan foydalanishni huquqiy tartibga solish muammolari: xalqaro va milliy jihatlar" hamda Institutning AKT startaplarini qo'llab-quvvatlash bo'limi boshlig'i Sh.Yetmishboyev "O'zbekiston Respublikasining sun'iy intellekt bo'yicha xalqaro reytinglardagi o'rni va ularning tahlili" mavzusida ma'ruza qildi.

✅ Konferensiya davomida, mamlakatimizda sun'iy intellekt va raqamli texnologiyalarning rivojlanish holati, ularning hayotga tatbiq etilishi va istiqbollari muhokama qilindi. Xususan, sun'iy intellektdan foydalanishda etika qoidalariga rioya qilish, axborot xavfsizligini ta'minlash va bu boradagi mahalliy va xorijiy tajribalar ekspertlar ishtirokida tahlil qilindi.

✅ Telegram | 🌐 Instagram | ♾ Facebook | 📹 YouTube | 🌐 Website