🎄YANGI YIL🎄

Dardimizga bergin darmonlar,
Dilimizdan ketsin armonlar,
Quvonchlarga to‘lsin har onlar,
Quvonch olib kelsin , yangi yil.

Xonadonlar rizq , ro‘zga to‘lsin,
Yurakdagi g‘uborlar o‘lsin,
Osmonimiz musaffo bo‘lsin,
Quvonch olib kelsin , yangi yil.

Eski yilning dardi yo‘q bo‘lsin,
Yangi yildan ko‘ngil to‘q bo‘lsin,
Shiddatimis misli o‘q bo‘lsin,
Quvonch olib kelsin , yangi yil.

Qalbda uchsin go‘zal tuyg‘ular,
Ko‘rinmasin dardu , qayg‘ular,
Jaranglasin yuzda kulgular,
Quvonch olib kelsin,yangi yil.

Muhabbatdan yayrasin dillar,
Sadoqatdan yonsin ko‘ngillar,
Yutuqlarga to‘lsin bu yillar,
Quvonch olib kelsin , yangi yil.

Shukurlardan tinmasin so‘zlar,
Muhabbatga burkansin ko‘zlar,
Tabassumdan porlasin yuzlar,
Quvonch olib kelsin , yangi yil.

Evoh yilim qani tezroq yel,
Tashrifingdan quvonsin bu el,
Qanotingda omad olib kel,
Quvonch olib kelgin, yangi yil.

Baxt neligin his qilsin yurak,
Hissiz yurak , kimga ham kerak,
Maktubadan yagona tilak,
Quvonch olib kelsin yangi yil.

Maktuba SHAYDO ✍