Mani fikrimcha, inson o'z hayotidan mamnun holda baxtli yashashida muhim bo'gan asosiy 3 ta faktordan biri o'zi sevgan ish-faoliyat-mashg'ulot bilan shug'ullanishi, keyingisi oilasining farovonligi, so'nggida oldingi 2 ta faktorning uzoq-yaqin kelajakda ham shu holatda davom etishiga ishonchi (optimistlik ya'ni). Bular ichida amalga oshishi eng qiyini, O'zbekiston sharoitida, birinchisi bo'sa kerak.

Nimaga bunaqa o'yladim? Chunki inson oilasi va kelajagining farovonligi bevosita uning daromadiga bog'liq. Daromad esa uning ish-faoliyatidan keladi. Bizdagi mavjud sohalar birday rivojlanmaganligi sababli, aksariyatda, kasb tanlayotgan o'smirlarni birinchi bo'lib (va ba'zida yagona) e'tibor qaratadigan narsasi bu daromadlar shkalasi bo'ladi. O'z-o'zidan bu sohada o'sib-rivojlanoladimi, bunga qobiliyati yetadimi, motivi bormi degan savollar soya ostida qop ketadi. Hozirimizda nega IT va tradingga qiziqish keskin ortib ketganini sababiyam shu bo'sa kerak katta ehtimol. Bilmadim-u lekin "oyligiga qarab" tanlangan kasbga mehr uyg'onib qolish ehtimoliyam kam bo'sa kerak. Yana bitta o'ylab ko'rishlik joyi, yetarli qobiliyat va motivga ega bo'may turib sohaga kirganda inson o'sishga erisholmay, anuv daromadlar shkalasini eng pastigayam tushib qolishi mumkinda. Ya'ni eng yomon holatda na qo'lingda sevgan ishing bor, na yetarlicha daromad topolasan va buni oqibati na oilang tinch, na kelajaging porloq.