Саудия Арабистонида навбатдаги профессионал бокс кечаси ўтказилди. 

Оқшомда супер ярим ўрта вазнда WBC Interim камари учун ҳам чемпионлик жанги ҳам бўлиб ўтди.

Унда ўзбекистонлик Исроил Мадримов (10-2-1, 7 KO) вақтинчалик чемпион Виржил Ортисга (23-0, 21 KO) қарши рингга кўтарилди ва жанг тўлиқ 12 раунд давом этди. Якунда ҳакамларнинг барчаси очколар бўйича америкалик 26 ёшли боксчининг ғалабасини қайд этишди. 

Шу тариқа Мадримов қаторасига иккинчи чемпионлик жангини очколар сонига кўра бой берди. 

30 ёшли боксчи бунгача 4 август куни Лос-Анжелесда америкалик Теренс Кроуфордга очколар бўйича ютқазиб, камарни бой бериб қўйганди.