Джорж Флойднинг полициячи томонидан ўлдириб қўйилганидан кейин бошланиб кетган норозилик намойишлари аллақачон асосий мақсад ва ғоясидан умуман четга чиқиб кетди. Норозиликлар фонида мародёрлик авж олди, АҚШ ва Европанинг қатор мамлакатларида илгари кузатилмаган мисли кўрилмаган вандализм юз бермоқда. Полиция куч ишлатишига қарши бошланган норозилик акцияси ирқий камситишларга қарши курашга айланиб кетди. Бугун эса BLM (Black Lives Matter – қоратанлиларнинг ҳаёти муҳим) ҳаракати ҳар қандай чегарани бузиб ташлади, ўз ҳуқуқи ҳимояси учун ташкил қилинган халқаро ҳаракат бугун тажовуз, жиноят ва инсон ҳаётига хавф соладиган оқибатларни олиб келяпти. Худди одамлар ақлдан озишганидек.
Бирин-кетин эълон қилинаётган қарорлар ва ҳаракатлар эса буни тасдиқлаб турибти. Мисол учун, шахмат ўйини қоидаларига кўра оқ доналарнинг биринчи юриши ирқий камситилиш сифатида қаралиб, бу ўйинга ўзгартириш киритиш талаб қилинмоқда (шахматдаги машҳур иборачи – “оқлар бошлайди ва ғалаба қозонади”), барча мультфильмларда қора танли қаҳрамонларга фақат шу ирққа мансуб бўлганлар овоз бериши керак, Белорусия давлати номини қайта кўриб ўзгартириш керак, чунки унинг номида оқ танлилар ҳақида гап кетаётганига ишора бор, велосипедни ҳаракатга келтирадиган занжири бу қулликка ишора, пандемия шароитида афроамерикаликлар карантин талабларини бузишса жаримага тортилмайди, Даниядаги русалка ҳайкали ирқчи ва ҳ.к.
Аслида тўғри айтишяпти, пандемиядан кейин дунё, инсоният аввалгидек бўлмайди деб. Фақат бунда коронавирус эмас, балки унинг фонида юз бераётган воқеалар инсониятни ўз тарихини қайта кўриб чиқишга, келажакни эса ўйлаб топилаётган янги қадрият ва талаблар асосида режалаштиришга мажбур қилмоқда.

#telegram