Sirdaryo viloyatida ichimlik suvidan noqonuniy foydalanish holatlari aniqlandi
Sirdaryo viloyati Qurilish va uy-joy kommunal xo‘jaligi sohasida nazorat qilish inspeksiyasi hamda "Sirdaryo Suv Ta’minoti" AJ viloyat hodimlari bilan hamkorlikda Sirdaryo tumanida joylashgan byudjet va nobyudjet tashkilotlarining ichimlik suvi hamda oqova suv xizmatlaridan foydalanishi bo‘yicha o‘rganish ishlari olib borildi.

Nazorat tadbirlari davomida 1 hafta mobaynida 9 ta byudjet tashkiloti va 3 ta nobyudjet tashkiloti tekshirildi.
Tekshiruv natijasida bir qancha kamchiliklar aniqlandi, xususan:

✅ Ichimlik suvidan noqonuniy ravishda shartnomasiz foydalanish
✅ Hisobga olinmagan qo‘shimcha tarmoqlar mavjudligi

Eng achinarlisi,

Sirdaryo tumanidagi 25-, 41- va 3-sonli umumta’lim maktablari

ichimlik suvidan noqonuniy ravishda foydalanib kelgani aniqlandi. Ushbu qonunbuzarliklar doirasida tegishli mansabdor shaxslarga

O‘zbekiston Respublikasi Ma’muriy javobgarlik to‘g‘risidagi kodeksining 163-moddasi

asosida bazaviy hisoblash miqdorining

15 baravari

–

5,6 million so‘m

miqdorida jarima rasmiylashtirildi.

⚠️ Bunday holatlarning aynan ta’lim muassasalarida aniqlanishi achinarli hol, chunki maktablar yosh avlodga qonuniylik va tartib-intizom namunasini ko‘rsatishi lozim.
Qonun hamma uchun teng! Qonun ustuvor, jazo muqarrar! Ichimlik suvdan oqilona foydalanish esa har birimizning burchimizdir!
Nazorat tadbirlari Sirdaryo viloyatining barcha tuman va shaharlarida davom etmoqda.