Sizga marketing haqidagi hayotingizda uchratgan eng oddiy ta'rifni aytaman:

Agar sizning shahringizga sirkchilar kelayotgan bo’lsa va siz "Shanba kuni ko’rgazmalar maydonida sirk bo’lib o’tadi", deb e’lon bersangiz, bu - reklama.

Agar siz katta filning orqasiga o’sha yozuvni yopishtirib butun shahar bo’ylab aylantirib yursangiz, bu - promoushen.

Agar fil shahar hokimining bog’idan o’tib, bog’ni vayron qilsa va bu haqida mahalliy nashrlar yozib chiqsa, bu - ommalashtirish.

Agar hokim bu jarayonni bilib qolib, hazilga olib ketsa yoki boshqacha munosabat bildirsa, bu - jamoatchilik bilan aloqa/PR.

Agar shahar aholisi sirkka borsa, siz ularga ko’ngilochar ko’chma do’konchalarni ko’rsatsangiz, ular shu do’konchalarda pul sarflab, vaqtini juda maroqli o’tkazishi mumkinligini tushuntirsangiz, savollariga javob bersangiz va oxir-oqibat, ular sirkda juda ko’p pul sarflasa, bu - sotuv.

Agar yuqoridagilarning barchasini rejalashtirsangiz, bu - marketing.

Ha, juda oddiy, marketing - o’zingiz istagan odamlarning siz haqingizda bilishi, sizni yaxshi ko’rishi, sizga ishonishiga erishib, ularni mijozga aylantirish strategiyasidir.