#uyda_qolib_kitob_òqish_kerak
Kitob –bilim manbai, ilm shamchirog’i, ma’naviyat sarchashmasi.
Kitobni quyoshga qiyoslash o’rinlidir.
Quyosh insonning jisman ulg’ayishi uchun qanchalik muhim o’rin tutsa, kitob ma’nan barkamollik uchun ham shunday ahamiyatga ega.
Kitob-moziy darakchisi, bugunning tarbiyachisi va muallim kelajakning yo’lboshchisi.
Kitobni ma’naviy xazina, haqiqiy boylik, dedik. Uni chin dildan sevib qadrlagan Abu Ali ibn Sino og’ir betob bo’lgan Buxoro hukmdori Nuh ibn Mansurni davolagach, evaziga oltin kumushlar to’la sandiqni emas, balki saroy kutubxonasidan foydalanish imkoniyatini qo’lga kiritishni afzal ko’rgan edi.
Kitob-insonning yaqin sirdoshi, maslahatgo’yi, ko’makdoshi. Shuning uchun ham uni nondek e’zozlaymiz.
Kitobni sevgan insonning ma’naviyati yuksak, dunyoqarashi teran bo’ladi.
Kitob o'qish jarayonida insonnig bosh miyasi faol ishlaydi, kuniga 30-35 daqiqa mutolaa qilgan kishi altsgeymer (xotiraning susayishi) kasalligiga chalinmas ekan.
Qiziqarli ma'lumotlar:
Markaziy Osiyo xalqlari kitobni qadim-qadimdan e’zozlab kelganlar. Ushbu hududdagi dastlabki kutubxona eramizning II asrida Xorazmda faoliyat ko’rsatgan.
”Tib qonunlari” kitobi XII-XVI asrlar oralig’ida 40 marta qayta nashr qilingan. Bu kitobga hozir ham ehtiyoj katta.
Eng ko’p jildli kitob “Fransuz ensiklopediyasi” bo’lib, u 1200 jilddan iborat.
Nyu-Yorkdagi muzeylardan birida bo’yi 3 metr, qalinligi 1 metr, og’irligi esa 125 kg keladigan dunyodagi eng katta kitob saqlanadi.
Parijdagi milliy kutubxonada saqlanayotgan qo’lyozma dunyodagi eng qadimiy kitob hisoblanadi. Hikmatlar yig’indisidan iborat bu kitob, qadimda Misrning Fiva shahrida eramizdan 2600 yil muqaddam topilgan.
Londondagi birinchi xalq kutubxonasining asoschisi Fenkorning talabi bilan, kitob varaqlarini buklagan kishilarga nisbatan jazo chorasi qo’llanilgan.
O‘quvchilarning kitob o‘qishga bo‘lgan havaslari oiladan boshlanadi.
Ota-bobolarimiz xonadonlarida Mashrab, Navoiy, Bedil va boshqa shoirlarimizning asarlarini maroq bilan o‘qishgan. Farzandlari kitobxonlik davralarida ishtirok etishgan. Natijada ularda kitob o‘qishga havas uyg‘ongan.
Bilim manbai bo‘lgan kitobni sevish va o‘qish uchun uni tanlay olish va o‘qish madaniyatini bilish kerak. Kitob o‘qish madaniyatiga kitob xarid etish va kutubxonani muntazam boyitib borishga alohida e’tibor bilan qarash, kitob saqlash odobi, o‘qish jarayoni, o‘qiganni o‘ziga va hayotga tatbiq etish, bilish kabi yana o‘nlab masalalar kiradi.
Dunyodagi barcha kitoblarni sotib olish mumkinmi? Nima uchun?
Yo'q, sotib olish mumkin emas.
Uy sharoitida uncha kitobni saqlash qiyin.
Men o'qimoqchi bo'lgan kitob do'konda bo'lmasligi mumkin.
Xo’sh, bunday holatda bizga nima yordamga keladi?
Kutubxonalar yordamga keladi.
To’g’ri aytdingiz!Demak,kutubxonalar bizni kitoblar dunyosiga boshlar ekan. Ajdodlarimizdan o'rnak olib, bo'sh vaqtingizni kitob o'qishga sarflashga harakat qiling, kitobni seving.
Kitob o'qish qoidalariga rioya qiling. Sizning hozirgi mehnatingiz kitob o'qishdir. Kitob o'qish uchun mehnat sarflasangiz o'qimishli kishi, hatto katta olim bo'lib, O'zbekistonning kelajagi uchun yangiliklar yaratasiz.
Ha , azizlar kitob eng qimmatbaho boylik, uni hech qachon iflos qilmang, yirtmang. Kutubxonalar fondini boyitish maqsadida bir yoqadan bosh chiqarib harakat qilaylik, har kim ushbu xazinani boyitish uchun o’z hissasini qo’shsa kelajak avlod ushbu xazinadan bahramad bo’lg’usidir.
@TSK_yoshlari
