⏺🟦🟦🟦🟦 #kokrak_nishoni

🇺🇿 "O‘zbekiston belgisi" ko‘krak nishoni topshirildi.

🇺🇿 Joriy yilning 24-dekabr kuni Toshkent shahrida joylashgan Yoshlar Ijod saroyida mamlakatimiz taraqqiyotiga munosib hissa qo‘shib kelayotgan bir guruh yoshlarga “O‘zbekiston belgisi” ko‘krak nishonini topshirish marosimi bo‘lib o‘tdi. Tadbirda davlat organlari va jamoat tashkilotlari vakillari, O‘zbekiston yoshlar ittifoqining yetakchilari va faollari, “O‘zbekiston belgisi” ko‘krak nishoni sovrindorlari hamda ommaviy axborot vositalari vakillari ishtirok etdi.

🇺🇿 Ta’kidlash joizki, O‘zbekiston yoshlar ittifoqi Markaziy Kengashi qarori bilan 110 nafar “O‘zbekiston belgisi” ko‘krak nishoni topshirilgan ilm-fan, madaniyat, ta’lim, sog‘liqni saqlash, san’at, jurnalistika, sport, qishloq xo‘jaligi, kichik biznes, huquq va harbiy sohalarda o‘qiyotgan, ishlayotgan hamda ilmiy-ijodiy faoliyat bilan shug‘ullanib, yuksak natijalarga erishayotgan yoshlar qatorida 3 nafar O‘zbekiston yoshlar ittifoqi Toshkent shahar hududiy Kengashida faoliyat olib borayotgan faol yetakchilar va xodimlar ham borligi bizni quvontiradi.

#poytaxt #kokrak_nishoni #taqdirlash_marosimi

✍️ Bizni kuzatishda davom eting!
😀 Telegram | 🔹 Instagram |🔹Facebook