Eshitish kerak, har bir odam eshitilishni istaydi, istaganini aytishni, ko‘nglini lang ochishni xohlaydi. Ammo, hamma ham eshita olmaydi, muammo ham shunda. Biz doim bizni eshita oladigan odamni izlaymiz, topdik, deymiz. Ammo qanchadir muddatdan so‘ng aslida siz aytishni istagan narsani emas, o‘zi eshitishni istagan narsani bizga gapirtiradigan odamga yo‘liqqanimizni tushunamiz. Ana o‘shanda xato ekanini anglaymiz. Ana o‘shanda yo‘lning qaysi tomonida ekanini tushunmaymiz. Va afsuski hayot bizga har doim ham qaytish uchun chipta beravermaydi. Chunki biz go‘zal manzaraga aldangancha qancha yo‘l bosganimizni anglamay qo‘yadigan yo‘lovchiga aylangan bo‘lamiz. Bosilgan yo‘l qanchalik uzoq bo‘lsa, ortga qaytish shunchalik mushkul. Yangi yo‘ldosh topish esa bir yo‘lni ikkinchi bor bosib o‘tish, demakdir. Biz esa bir ovqatimizni ikkinchi bor yegimiz kelmaganidek, bir yo‘lni ikkinchi bor bosib o‘tishga ham o‘zimizda ishtaha topa olmaymiz. Aynan shu esa hammasiga yakun yasaydi.
©️
©️