Бир киши мендан сўради:
- Биз Расулуллоҳ соллаллоҳу алайҳи ва салламнинг: «Ким "Ла илаҳа иллаллоҳу Муҳаммадур расулуллоҳ", деса жаннатга киради», деган қавллари билан жаннатий эмасмизми?
Мен унга боқиб унинг қилаётган амаллари ва бу қилаётган орзуси орасини ўлчадим. Улар ораси ниҳоятда узоқ эди. У исломдан фақат ва фақат ўзининг дангасалигига ёрдамчи бўладиган нарсаларни танлаётган эди. У Қуръондан фақатгина "Ким бир яхшилик қилса унга бунга ўхшаган ўнтаси берилур" оятинигина ёдлаб олган гадога ўхшар эди. У бу оятни инсонлар унга садақа қилишлари ва мол жамлаши учунгина далил қилар эди. Мен унга:
- Расулуллоҳ соллаллоҳу алайҳи ва салламнинг ҳадисларидан фақат шуни ёдладингми?
У зотнинг:
"Туҳматчи жаннатга кирмайди" деган ҳадисларини,
"Силаи раҳмни узган киши жаннатга кирмайди" деган ҳадисларини,
"Қалбида зарра қадар кибр бор киши жаннатга кирмайди" деган ҳадисларини,
"Бизни алдаган биздан эмас" деган ҳадисларини,
"Юзини тимдалаб ёқаларини йиртган ва жоҳилият даъволарини қилган киши биздан эмас" деган ҳадисларини,
"Хотинни эридан айнитган биздан эмас" деган ҳадисларини,
"Катталаримизни ҳурмат қилмаган, кичикларимизга раҳм қилмаган, олимларимиз ҳаққини билмаган биздан эмас" деган ҳадисларини билмайсанми?!
Бу суннатлар сенинг гарданингдаги вазифаларни эслатгани учун унутдингми?Фақатгина ўзингнинг "ҳаққинг" бўлмиш жаннат зикр қилинган ҳадисни ёдлаб олибсан! - дедим.

Шайх Муҳаммад Ғаззолий роҳматуллоҳи алайҳ