Эркак бўлмаса

Армон бўлар орзунинг боши
Айтилажак тилак бўлмаса
Аёл қандай чидар бардоши,
Агар уйда эркак бўлмаса

Татимайди егани оши
Гавголардан чиқмайди боши
Отилади тухматлар тоши
Агар уйда эркак бўлмаса

Рўзгорини гори тўлмайди
Ёлғизлика кўнгил тўлмайди
Хеч бир ишни эплаб бўлмайди
Агар уйда эркак бўлмаса

Фарзандлар хам бўлади бебош
Аёл учун топилмас сирдош
Гох аламдан тўкилар кўз ёш
Агар уйда эркак бўлмаса

Алдаб қўяр ширин хаеллар
Хар қадамда сергак бўлмаса
Гох хиенат қилар аёллар
Агар уйда эркак бўлмаса

Битмай қолар чала юмуши
Номардларга тушади иши
Кемтик бўлар ширин турмуши
Агар уйда эркак бўлмаса

Сатқа бўлсин унга боримиз
Хамрох бўлсин севган еримиз
Тинчимайди сира жонимиз
Агар уйда эркак бўлмаса,
Мехрибонинг кўмак бермаса.

Барчиной йўлдашева