Шеъриятга шайдолар борми?

Қадирдоним қаддингиз долми
Кўнгил муштоқ мехирга зорми
Келинг бугун ошно бўлгаймиз
Шеъриятга шайдолар борми

Дунё деманг дунё ўтгинчи
Ишонганинг ташлаб кетгувчи
Кўнгил ОЛИБ кўнгил бергувчи
Шеъриятга шайдолар борми

Гўзалликлар бари сиздадир
Мард йигиту гўзал қиздадир
Узоқ яқин билмам қайдадир
Шеъриятга шайдолар борми

Сирлашамиз сирингиз бўлса
Дардлашамиз дардингиз бўлса
Бахтиерман бахтингиз кулса
Шеъриятга шайдолар борми..

Барчиной Йўлдашева.