Hayrli kech hammaga🌟

Bugundan shu kitob mutolaasini boshladim, juda yaxshi yozilgan. Bunday kitoblar inson ruhiyatiga yaxshi ozuqa hisoblanib, ko'proq tafakkur qilishga, o'z-o'zimizni tahlil qilishga, yaxshi xulqli bo'lishga undaydi.

Hozirgacha o'qigan satrlarimdan ayrimlarini siz azizlar bilan ulashmoqchiman:

1️⃣ Butun boshli xazinaga ega chiqishga kuchi yeta turib, uning o'rniga befoyda bir munchoq olgan kishi albatta aldangan bo'ladi.

2️⃣ So'zining ham amallari sirasiga kirishini bilgan kimsa kam gapiradi va kerakli so'zlarnigina aytadi.

3️⃣ Biror manfaat keltirmaydigan va senga foydasi bo'lmagan mavzular haqida gapirma; zero bu bekorchi ishdir. Uning keltiradigan zararidan xotirjam bo'lolmaysan. Mavridini topmaguncha zarur bo'lgan so'zlarga ham til aylantirma. Ko'pincha o'rinsiz aytilgan bunaqa foydali so'zlar ham bekor ketadi. Na muloyim, og'ir-bosiq kishilar bilan, na yengiltak bo'lgan ahmoq kimsalar bilan tortishma. Chunki muloyim-u og'ir-bosiq kishilar ich-ichidan sendan nafratlanadi. Ahmoq va o'ylovsiz kimsalar esa tillari bilan aziyat yetkazadilar. Tanigan biror kishing suhbatingdan ayrilgach, boshqa bir joyda seni qanday eslashini istasang, sen ham uni shunday esla. Avf qilinishni istagan narsalaringda uni ham avf et. Birodaringning o'zinga qanday muomala qilishini istasang, sen ham unga xuddi shunday tarzda muomala qil.

Buguncha shular. Qolgan ma'lumotlarni kitob mutolaasi mobaynida ulashib boraman. Osoyish tun.

@Sheraliyevna_Bitiklar