Maskning aytishicha, bu model mutlaqo bepul, senzuradan xoli va oʻziga xos shaxsiy fikrga ega! Yaʼni, u hech qanday cheklovlarsiz gapiradi, biron narsadan qoʻrqmaydi va shunchaki faktlarni talqin qilish bilan cheklanmaydi, balki chuqur mulohaza yuritadi.

“Grok 3 – yer yuzidagi eng aqlli AI boʻladi!” – deb vaʼda bermoqda Mask. Unga koʻra, bu sunʼiy intellekt nafaqat maʼlumotlarni qayta ishlaydi, balki chuqur tahlil qiladi, turli nuqtai nazarlarni eʼtiborga oladi va ayni paytda hozirgacha mavjud boʻlgan barcha modellardan yaxshiroq fikr yuritadi.

Ushbu modelning taqdimoti sunʼiy intellekt olamida yangi davrning boshlanishi boʻladimi? “Grok 3” haqiqatan ham yer yuzidagi eng aqlli AI boʻladimi? Bu savollarning javobini ertaga bilib olamiz!