Shahzoda Negmatova

⚡️ O'zbekiston Olima ayollar forumi...

Bugun poytaxtimiz Toshkent shahrida 11-fevral - Xalqaro ilm-fan sohasidagi ayollar kuni munosabati bilan sohadagi akademiklar, professorlar, tadqiqotchilarni jamlagan O'zbekiston Olima ayollar forumi bo'lib o'tdi.

Unda Prezident yordamchisi Saida Mirziyoyeva ishtirok etib, yurtimizda ilm-fan sohasida faoliyat olib borayotgan barcha ayol-qizlarimizni tabrikladi, ularning kelgusi faoliyatida ulkan zafarlar tiladi.

Shuningdek, O‘zbekistonda olimlarning 48 foizini ayollar tashkil etayotganligi alohida e'tirof etildi.

Ushbu forumda O'zbekiston-Finlandiya pedagogika instituti rektori Shahzoda Negmatova ham ishtirok etdi.

Telegram | Instagram | Facebook

🟦🟦🟦🟦

Samarqand viloyati hokimiga matbuot kotibi tayinlandi

Ixtiyorov Mirzo Rustamovich Samarqand viloyati hokimligi axborot xizmati rahbari, viloyat hokimining matbuot kotibi — axborot siyosati masalalari bo‘yicha maslahatchisi lavozimiga tayinlandi.

Mirzo Ixtiyorov tayinlovga qadar Oʻzbekiston milliy teleradiokompaniyasi "Samarqand viloyati teleradiokanali" davlat muassasasi direktori vazifasini bajaruvchi lavozimida faoliyat olib borgan.

Lavozimga tayinlov Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga koʻra amalga oshirildi.

🌐 Telegram | 🌐 Instagram | 🌐 Facebook

📌 Pedagogik kadrlar tayyorlashda ilg‘or tajribalar va hamkorlik muhim bosqichga chiqmoqda

Oliy ta’lim tizimida natijadorlikka erishish, zamonaviy fikrlaydigan, amaliy ko‘nikmalarga ega bo‘lgan yuqori malakali mutaxassislarni tayyorlash hamda yangi tashabbuslarni ishlab chiqish maqsadida Respublika oliy ta’lim Kengashi huzurida kichik loyiha guruhlari tashkil etilgan. Pedagogik kadrlarni tayyorlash jarayonini muvofiqlashtirish bo‘yicha mas’ul muassasa sifatida Xalqaro Nordik universiteti belgilangan.

Shu munosabat bilan bugun O‘zbekiston-Finlandiya pedagogika instituti rektori Shahzoda Negmatova boshchiligidagi institut rahbariyati vakillari mazkur universitetda bo‘lib, kichik loyiha guruhi oldiga qo‘yilgan vazifalarni muhokama qilish hamda istiqboldagi rejalarni belgilab olishdi.

Uchrashuv davomida har ikkala oliy ta’lim muassasasi rahbariyati vakillari pedagogik kadrlarni tayyorlashda eng samarali loyihalarni ishlab chiqish, Finlandiya ta’lim tizimi tajribasini bosqichma-bosqich mamlakatimizda joriy etish, ilg‘or innovatsion metodlarni ta’lim jarayoniga tatbiq qilish hamda yetuk pedagog kadrlarni tayyorlashning sifatini oshirish masalalarini muhokama qilishdi.

Shuningdek, pedagogik ta’lim dasturlarini xalqaro talablar asosida takomillashtirish, amaliy mashg‘ulotlarga ustuvor ahamiyat qaratish, zamonaviy texnologiyalarni o‘quv jarayoniga keng joriy etish va pedagoglarning kasbiy rivojlanish imkoniyatlarini kengaytirish bo‘yicha takliflar ishlab chiqildi.

Mazkur hamkorlik natijasida O‘zbekiston oliy ta’lim tizimida ilg‘or pedagogik usullarni joriy etish, sifatli ta’lim xizmatlarini taklif etish va xalqaro tajribaga mos yuqori malakali kadrlarni tayyorlash yo‘nalishida yangi bosqichga chiqish maqsad qilingan.

🌐 Telegram | 🌐 Instagram | 🌐 Facebook

Prezident Shavkat Mirziyoyev raisligida xizmat ko‘rsatish sohalarini rivojlantirish bo‘yicha asosiy vazifalar muhokamasi yuzasidan videoselektor yig‘ilishi boshlandi.

Uch yil oldin qabul qilingan xizmatlar sektorini rivojlantirish bo‘yicha katta dastur bugun natijasini berayotgani ta’kidlandi.

Qo‘shimcha 1,5 million aholi servis sohasida doimiy daromadga ega bo‘ldi. Xizmatlar 2018 yildagi 19 milliarddan 65 milliard dollarga oshdi (o‘sish – 3,5 barobar).

Ayniqsa, IT, moliyaviy xizmatlar, turizm, aviatsiya, ta’lim va tibbiyot sohalarida “katta sakrash” bo‘ldi.

So‘nggi yetti yilda aholi daromadi va to‘lov qobiliyati 2 karra o‘sgani natijasida aholida yangicha xizmat va servis turlariga talab ortmoqda.

Shunga yarasha vazirlar va hokimlar talabga mos ravishda xizmatlarni rivojlantirishi kerakligi qayd etildi.

🌐 Telegram | 🌐 Instagram | 🌐 Facebook