Sevinch’s | Unfiltered

"I didn't know how to play chess at all, but I logged into the Chess.com app and played for two hours. To my surprise, I've learned quite a bit! It really helps to calm the nerves, so I recommend giving it a try."

📌 PMP nima va kimlar uchun kerak?
Agar siz loyihalarni boshqarish bilan shug‘ullanayotgan bo‘lsangiz yoki bu yo‘nalishda rivojlanmoqchi bo‘lsangiz, PMP sertifikati aynan siz uchun! Bu butun dunyoda e’tirof etiladigan loyiha menejerlari uchun asosiy sertifikat bo‘lib, sizning bilim va ko‘nikmalaringizni isbotlaydi.

📚 PMP imtihoni nimalarni o‘z ichiga oladi?
Imtihon uchta asosiy yo‘nalishda bilimlaringizni sinaydi:

1. Odamlar bilan ishlash
Jamoani boshqarish, ziddiyatlarni hal qilish va samaradorlikni oshirish ko‘nikmalari.

2. Jarayonlar
Loyihani rejalashtirish, bajarish va muvaffaqiyatli yakunlash uchun kerak bo‘ladigan texnik bilimlar.

3. Biznes muhiti
Loyihani tashkilot strategiyasi bilan bog‘lash va natijalarga erishish.

📋 Imtihon qanday bo‘ladi?
- 180 ta savol, asosiy e’tibor vaziyatlarni tahlil qilishga qaratilgan.
- Taxminan 4 soat davom etadi.
- Onlayn yoki imtihon markazida topshirish mumkin.

🎯 Nega PMP sertifikati muhim?
- Dunyo bo‘ylab e’tirof etilgan loyiha menejerlari klubi a’zosi bo‘lasiz.
- Kariyerangizda o‘sish va maosh oshirish imkonini beradi.
- Ishonchli loyiha menejeri sifatida obro‘ingizni oshiradi.

#PM

#thoughts

Mehnatkash degan so’zni eshitsam esimni taniganimdan beri har kuni tong yorishmasdan, qish sovuq, yoz issiq demay ishga ketadigan dadam xayolimdan o’tadi.

#family #talks

Akam: 80kub gaz ishlatibsizlar qaysidir kuni, boshqa kunlari 30 kubdan

Men: HGT’dan tekshirmayabsizmi 👀

Akam: Ha, shundan.

Men: Biz qilganmizda shuni 😎 Avtoniyam biz qilganmiz

Akam: Zapravkalarnikimi? Avto24

Men: Ha, o’sha



Mazza qilib yubordim shu joyiga 🫠😁

Kelajakni hech qachon taxmin qilib bo’lmaydi. Ertangi kunimiz biz uchun nimalar tayyorlab qo’yganidan bexabar yuraveramiz. O’tkan yili shu vaqti bir yildan keyin tamoman kasbim o’zgarib ketishini tasavvur ham qilmagan edim.

Siz xohlaganingiz emas, siz uchun xayrlisi bo’lar ekan doim. Alloh reja qiluvchilarning eng yaxshisi.

TZ (Техническое задание) – Project Manager uchun loyihaning samarali boshqaruvini ta’minlaydigan eng muhim vositalardan biri. Bu hujjat yordamida loyiha jarayonida paydo bo‘ladigan ko‘plab savollar oldindan hal qilinadi, aniq yo‘nalishlar belgilanadi va barcha jamoa a’zolari bitta sahifada ishlaydi. Eng eng muhimi PM loyihaga chuqurroq kirishiga yordam beradi.

Biroq, TZning ham o‘ziga yarasha kamchiliklari bor. Birinchidan, uni to‘liq va mukammal tarzda tayyorlash juda ko‘p vaqt talab qiladi. Ikkinchidan, ba’zilar “faqat TZda borini qilaman, ortiqcha ish qilmayman” degan yondashuvni tanlab, kreativlikdan qochishadi va natijada loyiha faqat qog‘ozda yozilgan rejaga bog‘lanib qoladi. Bu esa loyihaning rivojlanish va o‘sish imkoniyatlarini cheklashi mumkin.

Shuning uchun TZ balansli va moslashuvchan bo‘lishi kerak: yo‘nalishni belgilash bilan birga jamoa ijodiy yondashishi zarur har bir vaziyatga.

#PM

The world is adorned with countless signs for those who have the eyes to see them. Every moment, every situation in your life holds the potential to be the beginning of something extraordinary. Allah, in His infinite wisdom and mercy, lovingly guides His beloved servants to the straight path. Trust in His plan, for He knows what is best for you.

Kecha kechqurun shifokorga borgan edim. Muolaja qiladigan shifokordan tashqari 4 ta praktikant ham bor edi. Shifokor menga muolaja qilish davomida praktikantlardan savollar so’ray-so’ray ishini davom ettirdilar. Hech yo’qki biror savolga javob bera olishgan bo’lsa. Nechanchi kurssizlar degandi 4- deb aytishdi. Men ichimda hisoblab o’tirdim, agar ular besh yillardan keyin o’qishlari tugab shifokor bo’ladigan bo’lishsa sog’lig’imni o’ta asrab avaylashim kerak ekan deb.)))

Yana bir maslahatim surunkali shamollash yaxshi oqibatlarga olib kelmas ekan))). Bizda tomoq og’rig’i, tumov, yo’talga yengil qarashadi. Shu jumladan men ham o’tib ketadigan mavsumiy kuzatilib turadigan tabiiy holat deb o’ylardim. Adashganim uchun ham hozir “The fault in our stars” dagi qizdek xis qilib o’tiribman o’zimni. Og’riq, alomatlar ham ne’mat. Ularga doim quloq tuting. Salomatligingizni asrang!

O’ylab qolaman…

O’qituvchilarni zarracha bo’lsa ham vijdonlari qiynalmasmikan-a 1000 yillik ishlamaydigan metodlari bilan dars o’tishlariga. Shuncha odamni vaqtiga, sidqidildan jon berib dars o’tadiganlar o’ta kam. O’qituvchi davomat qilib qamoqda saqlagandek talabalarni ushlab o’tiradi, talaba bo’lsa o’qishdan haydalib ketmaslik uchun indamay o’tiraveradi. Ikkala taraf ham o’zlarini o’zlari aldaydi va o’qituvchi, ma’muriyat, talabalar hammalariga vaziyat birdek ayon, lekin hamma jim. Men yarim yilda amaliyot bilan kasbli bo’ldim, lekin 4 yil qo’lga ilinar hech narsa o’rganmadim deyarli.


Qiziq…..

Doim qiyin vazifalardan, vaziyatlardan o'zimizni olib qochib, iloji boricha jonimizni koyitmaslikga harakat qilamiz (Qisqa qilib aytganda 'being in our comfort zone'). Vaziyat biz kutgandek ketmasa darrov nolishga, shikoyat qilishga tushamiz. Ammo esda tutish kerakki, biz Utopia’da yashamaymiz — bu yerda har bir muammo osongina hal bo‘lib, barcha narsalar mukammal ishlamaydi. Tizimlar siz xohlagandek ishlamasligi, siz o'ylagandek oson ishingiz bitmasligi, har doim ham kamchiliklar topilishi bu tabiiy hol. Shunchaki qo'lni ko'tarib taslim bo'lganingizdan na sizga, na jamiyatga zig'ircha foyda bor. Agar doim oson yo‘lni izlasangiz, birinchi qiyinchilikka duch kelganingizda taslim bo‘lsangiz yoki har doim shikoyat qilaversangiz, muvaffaqiyat sari qanday yo‘l bosasiz?

Hayotning mazmuni kurash va sinovlarda. Muvaffaqiyat — bu faqat omad yoki tayyor shart-sharoit emas. U qat’iyat, sabr va harakat natijasidir. Har bir qiyinchilik — bu o‘sish va o‘rganish imkoniyati. Shikoyat qilish yoki bahona izlash o‘rniga, harakat qilishni o‘rganing.

Kuch har narsani osonlik bilan yengish emas; kuch — har bir qiyinchilikdan yanada baquvvat bo‘lib chiqish, murakkabroq sinovlarga dosh bera olishdir.

In Jannah, overthinking will end, sadness dies, there will be no confusion between choices, no waiting, no stress.

Allohning har ishida xayr borligiga har kuni ko’p bor amin bo’laman. Men qiyin, muammo deb hisoblaganlarim ham aslida mening foydamga bo’lganini o’tirib ozgina idrok qilib ko’rsam anglayman. Lol qolmasdan iloj yo’q.

Mas'uliyatning "shared" ya'ni umumiy bo'lishi va ba'zilar o'zlarini undan soqit qilishlari ko'pincha ijtimoiy, ishchi jamoalarda yoki hatto shaxsiy munosabatlarda kuzatiladigan hodisa. Ba'zilar o'zlarini mas'uliyatdan olib qochishadi, bu esa o'z navbatida boshqa odamlarning bo'yniga ko'proq mas'uliyat yuklashga olib keladi. Muayyan vazifalarni bajarmaslik yoki ulardan qochish orqali jamoa yoki munosabatlardagi ishonchni zaiflashtiradilar. Natijada, qolganlar bu bo'shliqni to'ldirish uchun ikki hissa ko'proq ishlashlari, ikki hissa ko'proq siqilishlari kerak bo'ladi.

Agar hamma mas'uliyatli bo'lganda hayotimiz yanada go'zalroq bo'larmidi?

Jamoaning umumiy kuchi oshardi. Har bir kishi o'z vazifasini bajarganda, umumiy natijalar yaxshilanadi va samaradorlik ortadi.
Jamoada ishonch muhiti shakllanardi. Odamlar bir-birlariga ishonishni o'rganishadi, chunki ular har bir kishi o'z rolini bajarayotganini bilishadi.
Shaxsiy rivojlanishga yo'l ochilardi. Har bir odam mas'uliyatni qabul qilib, qiyinchiliklarga duch kelgan holda o'sish imkoniyatiga ega bo'ladi.


Ming mas'uliyatli bo'lmasin, bitta inson boshqalarning mas'uliyatini hamisha yelkasiga ortib yura olmaydi. Jamoa yoki jamiyat degan joyda birlik va har bir kishi o'z ishini qoyillatib bajarishi juda muhim. Bunday muhitda faqat bir kishining mehnati emas, balki har bir a'zoning o'z vazifasini to'g'ri bajarishi umumiy muvaffaqiyatga olib keladi.

Tilagim – mas'uliyatli insonlar ko'paysin.🤲

Doim ham dod-voy solgan, o’zini jabr diyda qilib körsatgan inson haq bo’lavermaydi. Ba’zi insonlar shunchaki shu yo’l bilan ishlarini hal qilishga, odamlarni ko’zini bo’yashga o’rganib qolishgan.