Бугун бўлажак PRчи -талабаларим билан Божхона қўмитасида бўлдик. Қўмитанинг жамоатчилик ва оммавий ахборот воситалари билан алоқалар йўналишида маҳорат машғулоти ўтказилди.

Талабалар билан бўлиб ўтган мулоқотда ўз ишининг устаси, фидойиси, қўмита Ахборот хизмати раҳбари Хусан Тангриев замонавий ахборот хизматига қўйилаётган янгича талаблар, ахборот тарқатишнинг таъсирчан ва тезкор усуллари, ички коммуникациялардан самарали фойдаланиш бўйича амалиётдаги мавжуд кейслар мисолида гапириб берди.

Қизғин савол-жавобларга бой бўлган амалий машғулот давомида талабалар Масофавий электрон декларациялаш божхона пости фаолияти, тизимда ишловчи ходимларга яратилган шароитларбилан ҳам яқиндан танишишди.

Бугунги амалий машғулот ва тажриба алмашуви учун катта раҳмат!

Мобил репортаж қўмита Ахборот хизмати томонидан тайёрланган.