Anonymous xakerlari Putinga qarshi urush ochdi. Ular prezidentdan isteʼfoga chiqishni talab qilmoqdaXakerlarning soʻzlariga koʻra, ular allaqachon Rossiya Mudofaa vazirligi mansabdor shaxslarining elektron pochta manzillari va parollarini buzib, ommaga oshkor qilgan va endi Putin hamda sheriklarining "barcha kirdikorlarni" shaxsan oshkor etish niyatida. Xakerlar Putinning isteʼfosini talab qilmoqda.
Anonymous xakerlar guruhining Rossiya prezidenti Vladimir Putinga shaxsan yoʻllangan murojaatni yozib olingan. Ular prezidentning zudlik bilan isteʼfoga chiqishini talab qilib, Rossiya prezidenti uchun “maxsus operatsiya” tayyorlaganliklarini aytishmoqda. Anonymous tegishli videomurojaatni Twitter'da eʼlon qildi.
"2018-yilda bizning guruhimiz Roskomnadzor veb-saytini qanday buzib kirganini eslaysizmi? Janob Putin, Afgʻonistonga qanday magʻlub boʻlganingiz yodingizdami? Endilikda biz Rossiya Mudofaa vazirligi maʼlumotlarini oshkor qildik. Avval pochta va parollar mavjud edi, hozir esa bu maʼlumotlar bazasi twitter tarmogʻida ochiq. Sizning Finlyandiya va Shvetsiyaga tahdid qilishga urinishlaringiz sharmandalik. Bu mamlakatlar NATOga qoʻshilsa, tahdid qilishingiz mumkin.
Bugun biz Federal monopoliyaga qarshi xizmati, Kreml, Russia Today veb-saytlari va boshqa rus amaldorlariga tegishli veb-saytlarni ishdan chiqardik, — deyiladi murojaatda.
Bundan tashqari, xakerlar koʻp yillar davomida yashirilgan maʼlumotlarni nashr etishi haqida xabar berdi. Anonymous bu maʼlumot Putin va uning "buzuq qoʻgʻirchoqlari" uchun qattiq zarba boʻlishini taʼkidlagan.
"Siz yolgʻon gapirayotgan, jamiyatdan yashirmoqchi boʻlgan axloqsizlikni aniqlashimiz faqat vaqt masalasidir. Biz parda ortidagi har bir detalni koʻrsatamiz. Ukraina xalqining huquqlarini tiklashni talab qilamiz. Isteʼfoga chiqing”, deyiladi videoda.
Shuningdek, xakerlar Anonymous'ning barcha aʼzolarini “Vladimir Putinning ogʻzini oʻz iflos pullari bilan yopishga” chaqirgan.
⚡️Rossiya va Ukraina tezkor yangiliklari🔥