Yig‘ilishda tegishli tashkilot va korxona rahbarlari, mahalla raislari, profilaktika inspektorlari, yoshlar yetakchilari ishtirok etdi. Tadbirda tuman miqyosidagi xavfsizlikni ta’minlash va huquqbuzarliklarni kamaytirish uchun amalga oshiriladigan chora-tadbirlar muhokama qilindi.

Profilaktika inspektorlarining faoliyatini takomillashtirish, ularning huquqbuzarliklarning oldini olishdagi roli muhokama qilindi. Ayniqsa, yoshlar o‘rtasida huquqbuzarliklarni kamaytirish, ular orasida huquqiy savodxonlikni oshirish, ijtimoiy muammolarni erta aniqlash va ularga tegishli choralar ko‘rish masalalariga alohida e’tibor qaratildi.

Sayxunobod tumani hokimi Komiljon Mullajanov bu borada o‘z fikrini bildirib, barcha tashkilotlarning birgalikdagi sa’y-harakatlari orqali tuman aholisining xavfsizligini ta’minlashga erishish mumkinligini ta’kidlandi.

Tadbir so'ngida har bir tashkilot hamda mahalla yettiligining faol ishtiroki orqali Sayxunobod tumanida xavfsiz muhit yaratishga erishish mumkinligi qayd etildi.