Янги йилнинг биринчи кунида 80-АИ маркали бензин яширинча хусусийлаштирилган UNG Petro шохобчаларида 6 900 сўмдан 8 150 сўмгача қимматлади.

Ҳозирга қадар компания нархларнинг бирданига 18,1 фоизга оширилиши сабабларини изоҳламаган.

Иқтисодчи Отабек Бакиров нархларнинг кескин ошишини 2025 йил 1 январдан эътиборан “Бухоро НҚИЗ” МЧЖ томонидан ишлаб чиқарилаётган барча турдаги нефть маҳсулотлари, шу жумладан, автобензин ҳам фақат биржа савдолари орқали сотилиши билан боғлиқ бўлиши мумкин, демоқда.

Бир йил аввал “хусусийлаштирилганига” қарамай UNG Petro бензинни биржадан ташқари, яъни тўғридан-тўғри ва имтиёзли нархларда сотиб олиш имконига эга бўлган.