"Bahor yaqin", –shivirlaydi Qish,
Fevral vazmin kechar kunlarni.
Boychechaklar ko'rib yotar tush,
Allalaydi qantar* tunlari.

Bahor yaqin – nafaslar iliq,
Nigohingda gullaydi umid.
Tabiatning bor go'zalligi,
Qor ostiga qo'yilgan ko'mib.

Unib borar yashillik sekin,
Tug'iladi ranglar ohista.
Oğochlarni quchadi epkin,
Tabiatdan gul atrin istab.

Bahor yaqin – o'n to'rt kunlik yo'l,
O'tib borar ayriliq oni.
O bahorim, sog'inchlari mo'l,
Tushlariga kirding dunyoni...

*Qantar – Fevral shamoli

P.M.