Самарқанд давлат университети
Касаба уюшма қўмитаси раиси, доцент
Ш. О. Маҳматмуродовга!

Қадрли Шавкат Олимович!

Туғилган кунингиз билан табриклайман. Узоқ умр, сиҳат-саломатлик, тинчлик, хотиржамлик, ишларингизга улкан муваффақиятлар тилайман.

Самарқанд давлат университети жамоаси Сиз билан ҳақли равишда фахрланади. Сизнинг қимматли фикрларингиз, маслаҳатларингиз биз учун жуда муҳим. Жонкуярлик, фидойилик каби фазилатларингизни ёшларимизга ибрат қилиб кўрсатамиз.

Сиз Самарқанд давлат университети касаба уюшма қўмитаси раиси сифатида ҳам жамоада ўзингизга хос ўрин тутасиз.

Инсонларни ижтимоий жиҳатдан қўллаб-қувватлаш, моддий ва маънавий рағбатлантириш, уларга муносиб иш шароитларини яратиб бериш, жамоада маънавий муҳитни яхшилаш, меҳнат фахрийлари, беморлар, ногиронлиги бор шахсларни ижтимоий муҳофаза қилиш борасида ҳам муҳим лойиҳаларга бош бўлиб келмоқдасиз.
 
       Ҳурматли Шавкат Олимович!

Меҳнатларингиз натижасини ва меваларини кўриш насиб этсин. Юз билан юзлашиб юринг. Яхшилар, яхшиликлар ҳамроҳингиз бўлсин.

Аллоҳ умрингизга, ризқингизга, илмингизга барака берсин. Ҳамиша Аллоҳнинг паноҳида бўлинг...         

Рустам ХОЛМУРОДОВ,
Самарқанд давлат университети ректори,
Ўзбекистон Республикаси фан арбоби,
Олий Мажлис Сенати аъзоси.

✔️ Ijtimoiy tarmoqlardagi sahifalarimiz:

🌐Samarqandim.uz | ✅Telegram | 🌐Instagram | ✅Facebook |📹 You tube