Roʻzimbek Arabboyev || shaxsiy sahifa

Nega bu mavzuni koʻtardim. Gap shundaki, xoʻjaobodlik bir yaqin akamiz hamkorlik qilish maqsadida doʻkoniga taklif etdilar. Bordik.

Ikki yoʻlning chetida umumiy 3 ta doʻkon. Ulardan 2 tasi sal kam bozordek. Yana biri esa 3 qavatli bino boʻlib, orqa qismida kattagina skladi bor ekan.

Shuncha mulkni idora qilayotganiga, tartibni saqlab ishchilarni undan minnatdor holda tutayotganiga qoyil qoldim. Kulib turgan yuzi, oʻgʻli tengi boʻlsam ham "aka" deb qoʻli koʻksida murojaat qilishi umuman boshqa daraja. Oddiy, serharakat va chaqqongina, maqsadlari oliy akamiz ekan.

Rosti, uni koʻrib shijoatim kamligidan uyaldim. Sherigim bilan ketishda Xurshid akaning "yoshligimga qaytgim keladi"sini eshitib ketgan boʻlsak, qaytishimizda "Zoʻrlaridan zoʻr boʻlaman"lab keldik.

Ishonorilar, shu qadar energiya berdiki, hozir ham ichimda bir oʻt yonyapti. Muhimi shuni oʻchirib qoʻymaslik.

Yaqinda bir post oʻqigan edim: oldin erkaklar ruhan nozik boʻlgan ayollarni koʻp tanlashar edi. Chunki rahmi kelardi.
Hozir esa ularni ruhlantiradigan ayollar qadrliroqdir. Va aksi. Nozik niholni sindirib qoʻymaslik uchun ham mustahkam himoya va metindek tirgak kerak.

Gapni indallosi ham shu. Hayotingizda sizga energiya beradigan, sizni doimo ruhlantiradigan biri boʻlsin ekan.
Ota-ona, qarindosh-urugʻ, doʻstlarmi farqi yoʻq. Muhimi boʻlsin. Muhimi siz ham energiya soʻruvchilardan emas, energiya beruvchilardan boʻling.

Tugadi😜

@R_Arabboyev

"Energichniy odam"lar haqida gaplashamizmi?

Kimlarni taniysiz va ularning nimasidan energiya olasiz?

Haqiqatning koʻzlaridan qoʻrqaman...

*Choʻlpon

Nima deyishga ham hayronman. 😐

Oilaga, yorga, doʻstga, orzu va maqsadlarga, vaʼdaga, omonatga....vafo qilsa..

Har kimki vafo qilsa, vafo topqusidir.

#muhim

Munosib kuyov tanlash borasidagi barcha dalil va hujjatlarni jamlab, tartibga solib, tahlil qilgan ulamolarimiz asosan quyidagi sifatlarga eʼtibor berish lozimligini taʼkidlaydilar:

1. Dindorlik.
2. Taqvodorlik.
3. Husni xulq.
4. Oila masʼuliyatini ado etish qobiliyati.
5. Kelinning tengi boʻlishi. Bunda yoshi, ijtimoiy holati va shunga oʻxshash narsalar koʻzda tutilgan.

•"Baxtiyor oila"dan. || Shayx Muhammad Sodiq Muhammad Yusuf

@R_Arabboyev

#muhim

Ulamolarimiz barcha hujjat va dalillarni oʻrganib chiqib hamda boshqa omillarni hisobga olib, munosib kelin tanlashda quyidagi narsalarga eʼtibor berish kerakligini taʼkidlaganlar:

1. Dindorlik.
2. Serfarzandlik. Bu sifat qarindosh-urugʻ ayollarga qarab bilinadi.
3. Avval turmush qurmagan boʻlishi.
4. Dindor va qanoatli oiladan boʻlishi.
5. Nasabi yaxshi boʻlishi.
6. Husnli boʻlishi. Shunda erining koʻngli toʻq boʻladi, muhabbat qoʻyadi, boshqalarga qaramaydi.
7. Qarindoshlardan boʻlmasligi. Qarindoshga uylansa, bolalari zaifhol boʻlish ehtimoli kuchli. Yana, Alloh koʻrsatmasin, kelishmovchilik boʻlib qolsa, qarindoshlik aloqalariga zarar yetishi ham mumkin. Begonadan boʻlsa, bolalar zaifhol boʻlmaydi. Kuyov-kelinning bahonasi bilan ularning qarindosh-urugʻlari ham quda-anda boʻladilar, ijtimoiy aloqalar rivojlanadi.
8. Bir xotindan ziyoda qilmaslik. Chunki koʻpxotinlilikning mashmashasi ham koʻp boʻladi, shartlarini bajo qilish ham oson emas.

• "Baxtiyor oila" dan || Shayx Muhammad Sodiq Muhammad Yusuf

@R_Arabboyev

Men yoʻqman. Barchasi Udir..

Har bir qadamdan iz qoladi: kichkina boʻlsa ham.

Sizlar kulasizlarkuya, lekin bu multfilmning gʻoyasi, falsafasi, obraz tanlashdagi yaratuvchining mahorati boʻyicha ancha muncha "manaman" degan kitoblardan oʻtadi.

Voyaga yetgan holingizda bir koʻrib chiqing. Kulish uchun, hordiq olish uchun emas, haqiqatda nimadir oʻrganish uchun koʻring.

Kerak boʻlsa daqiqasidan foyda olasiz.

Shaxsan men uchun Jorj Oruelning "Molxona"sidan ancha yaxshi ushbu film.

#tavsiya
Nimani gapirayotganimizga emas, nima maʼnoni kasb qilgan gapni aytayotganimizga qarang.

#muhim

Zino xavfi aniq bor boʻlgan vaqtdagi nikoh hatto Hajdan ham oldingi oʻringa qoʻyiladi.

•"Baxtiyor oila" dan.

@R_Arabboyev

#kuzatuv

3 qavatli bino. Yoshlarning qiziqqonli, qiziquvchanligi bilan qorishib ketayotgan qisman zak boʻlgan zalning havosi allanechuk men uchun begona muhitdek tuyulyapti.

Oʻquv kurslariga oxirgi marotaba qachon kelganimni eslay olmayapman. 1 yildan oshdiyov...

Oldin oʻzim uchun kelardim bunday joylarga. Hozir singlim uchun. Bir necha yillardan soʻng farzandlarim va nabiralarim uchun kelarman in shaa Alloh.

Devorlardagi "Never stop reading", "think big", be like proton always positive" kabi jumlalar erish tuyulmoqda. Shunday gaplardan ruh olib, kuch olib yurganmiz a?! )

Oʻzimni huddi dunyoga qiziqishi qolmagan bir choldek his qilyapman. 20 yoshli chol...

Balki, shunday hafsala qolmasligi sabab "yoshligingda oʻrganib ol" deyishar.

Ajiyb ))

@R_Arabboyev

Boshqa chorasi yoʻq edi, degan gap nimaligini bilasizmi, aʼlo hazratim, bilasizmi oʻzi?