БУГУН МЕНИНГ ТУҒИЛГАН КУНИМ

Бугун менинг туғилган куним
Табриклайман ўзим ўзимми
Туғилган кун энди йўқ "~дея
Койиб бердим ўғил кизимми

" Бўлди энди туғилган кун йўқ
Дея ёпиб қўйсам эшикни
Хайдасам ҳам кириб келишар
Излаб топиб бирор тешикни

Пешонада битта туғилмоқ
Бир ўлмоқни ёзиқлари бор
Шарт эмаску чархпалак каби
Нишонламоқ такрор ва такрор

"Йўқ!"-деймизу барибир кутамиз
Кимга ёқмас жичча эътибор
" Табриклайман" бир оғиз сўзни
Эшитмоқни завқи гашти бор

Туғилган кун асли азизлар
Дийдор учун битта бахона
Ота оналар ҳаётлигида
Болалик уй бир~ Роватхона

Ота оналар ўтиб кетишгач
"Ўтган куни" кирар одатга
Ота она ўлмоқ меросдир
Дийдор қолар сўнг Қиёматга

Эшикларни ланг очиб қўйинг
Тўлиб кетсин уйга мехмонлар
Соғинганда бир бири билан
Дийдорлашсин жону жигарлар

Бугун менинг туғилган куним
Табриклайман ўзим ўзимни
Ота~онам йўқ табриклайдиган
Эшигимдан келиб қизини

ХУРШИДАБОНУ🖋🌹

⬇️Линкни босиб каналга обуна бўлинг!⬇️
❤️СИЗ ҚИДИРГАН КАНАЛ
Яқинларингизга улашинг.
   ┄┅┅✿🍃❀🌺❀🍃✿┅┅┄
Мохларойим Гулим Канали
https://t.me/joinchat/AAAAAFTHOz5ReZeUiwwLMA