Meni duo qiling namozda sustman
Baʼzida bomdodni qilaman kanda
Oʻsha ibodatni qilmasam agar
Oʻlikdan hech farqim qolmas ekanda.

Meni duo qiling bilmay nogahon
Yoʻqlarning ortidan aytaman gaplar
Gʻiybat qilmoq oʻzi oʻlgan doʻstining
Goʻshtin yegan bilan ekan barobar

Meni duo qiling qoʻpol soʻz ila
Yaqinim koʻngliga sanchaman tikan
Bizning dinimizda bunday chirkin ish
Kaʼbani buzmoqlik bilan teng ekan.

Meni duo qiling koʻp gap talashib
Tillimni bermayman qilib urushlar
Men bildim bahslashgan ummatlarini
Rasulim shafoat qilmas emishlar

Meni duo qiling sal mansab tegsa
Kibrlanib darrov boʻlaman mamnun
Kibrning dastidan shayton jannatdan
Allohga xush kelmay,boʻlgan-da malʼun

Meni duo qiling kelmasa malol
Qalbga toʻlib boʻlgan gʻayri odatlar
Duoda gap katta ajabmas agar
Koʻnglimga yogʻilsa baxt - saodatlar



✍ Doniyor Benazir