Азия раўажланыў банкиниң қатнасыўында Беруний районында ишимлик суўы жойбары әмелге асырылмақта

Өзбекстан Республикасы Президентиниң ПҚ-4271-санлы қарарына тийкар Азия раўажланыў банкиниң қатнасыўында "Өзбекстанның батыс бөлегинде ишимлик суўы тәмийнаты системаларын раўажландырыў" жойбарының әмелге асырылыўы белгиленген. Жойбар 2024-2026-жыллар даўамында әмелге асырылады. Жети обектте жумыслар шөлкемлестирилип, жәми 25 млн. АҚШ доллары қаржы ажыратылған. Бүгинги күнде "МЕСМЕР-ЕАСТ" компаниясы тәрепинен Беруний районында ишимлик суўы тәмийнатын жақсылаў шеңберинде жумыслар алып барылмақта.

Соннан,

🔹 Беруний районы суў тәмийнаты кәрханасының админстративлик имаратын реконструкциялаў;

🔹3 суў бөлистириў объекти, суў резервуарын қурыў ҳәм реконструкциялаў;

🔹1 суў жыйнаў объекти;

🔹2 суў хлорлаў объекти;

🔹87, 34 км магистраль суў тармағы;

🔹412, 218 км пуқаралар шаңарақларына суў тармағын тартыў;

🔹Жәми 500 км суў тармағын тартыў жумыслары әмелге асырылады;

🔹17 463 суў есаплағышларын орнатыў нәзерде тутылған.

Бүгинги күнде Беруний районындағы 23 мәҳәлледе суў тармақларын тартыў жумыслары алып барылып атырған болып, жойбар 2026-жылдың 3-шерегинде жуўмақланыўы белгиленген. Нәтийжеде райондағы 81% пуқараның шаңарақлары таза ишимлик суўы менен тәмийинленеди.

@Qaraqalpaqxabar Оператив ҳәм исенимли хабарлар