Ichki ishlar vazirligi akademiyasi kursantlari Farg‘ona akademik litseyiga tashrif buyurishdi. Tashrif davomida kursantlar litsey o‘quvchilari bilan muloqot qilib, o‘z tajribalarini o‘rtoqlashishdi.
Uchrashuv davomida kursantlar IIV akademiyasidagi ta’lim jarayoni, bu sohada xizmat qilishning sharafli jihatlari, hamda kelajakda bu yo‘nalishda qadam tashlash uchun nimalarga e’tibor berish kerakligi haqida so‘z yuritishdi. Litsey o‘quvchilari kursantlarning hayot tarzi va o‘quv jarayoniga bo‘lgan qiziqishlarini bildirishdi.
Samimiy muloqot va motivatsion suhbat barcha qatnashchilarda ijobiy taassurot qoldirdi. Bu kabi uchrashuvlar yoshlarning ichki ishlar sohasiga bo‘lgan qiziqishini oshirib, ularni fidoyilikka va maqsad sari intilishga ilhomlantiradi.