Bugun Sport vaziri Adkham Ikramov, MOQ Bosh kotibi Oybek Kasimov bilan birgalikda Sirdaryo viloyatiga tashrif buyurib, viloyat hokimi vazifasini bajaruvchi Erkinjon Turdimov hamda tegishli mutasaddilar ishtirokida joriy yilda sport sohasida amalga oshiriladigan ustuvor vazifalar yuzasidan videoselektor yig‘ilishi o‘tkazildi.
Tadbirda Sport vaziri Adkham Ikramov, MOQ bosh kotibi Oybek Kasimov hamda Sport vaziri Kotibiyati boshlig‘i Bobur Hamrayev tomonidan o‘tkazilgan taqdimot davomida viloyatda ommaviy va professional sportni rivojlantirish bo‘yicha 2025-yilgi asosiy reja va vazifalar, “Divizion sport musobaqalari”ni puxta tashkil etish, Sport maktablari faoliyatini rivojlantirish masalalari, Olimpiya va paralimpiya harakatini rivojlantirish, sport sohasini raqamlashtirishning ahamiyati, sohada joriy yilda amalga oshiriladigan ishlar konsepsiyasi ijrosi, sport infratuzilmasini rivojlantirish masalalari muhokama qilindi.
Yig‘ilish davomida viloyat hokimi vazifasini bajaruvchi Erkinjon Turdimov Sirdaryo viloyatida sportni rivojlantirish masalasiga barcha mutasaddi tashkilotlar muhim e’tibor qaratishi lozimligini ta’kidladi. Shuningdek, Sport vazirligi bilan o‘zaro hamkorlikda amalga oshiriladigan vazifalar belgilab olindi.

Instagram / Facebook / Twitter / @OybekKasimov