Mushohada time. Hikmatlar bo'yicha.

Zulmni tark ayla-vu dod aylagil,
Marg* kunidin dog‘i yod aylagil.

Zulmung erur kunduz-u fisqing kecha,
Zulm ila fisqing necha bo‘lg‘ay, necha?

Gah-gahi yod ayla nadomatni ham,
Qaysi nadomatki, qiyomatni ham.

Jurm-u gunahdin kishi ma’sum emas,
Tarkini tutmoq dog‘i mazmum* emas

LUG’AT: marg* – o’lim; mazmum* – xato, yanglish;

1. She’riy parchaning mazmuniga mos to’g’ri javob berilmagan qatorni aniqlang.
A) Parchada hech bir kishi gunohdan pok emasligi, ammo gunohni tark qilish lozimligi uqtirilgan.
B) Parchada zulmni tark qilish, gunohlarga tavba qilish va o’limni eslash uqtirilgan.
C) Parchada yomonlik tunga, zulm esa kunga qiyoslangan va o’zaro zidlantirilgan.
D) Parchada pushaymon bo’ladigan kun kelishini, ya’ni qiyomat kunini eslash uqtirilgan.

2. Yuqoridagi she’riy parchaga oid qaysi hukm TO’G’RI?
A) Ushbu parchada unli va undosh tovushlar raviy bo’lib kelgan.
B) Ushbu parchada mutlaq va muqayyad qofiya qo’llangan.
C) Ushbu parchadagi har bir baytda tashbih ishtirok etgan.
D) Ushbu parchada qisqa radif ishtirok etgan.

3. Parchada qo‘llangan she’riy san’atlar haqida to‘g‘ri hukmni aniqlang.
A) 1-bayt – ta’did san’ati qo’llangan
B) 2-bayt – tardi aks san’ati qo’llangan
C) 3-bayt – tajohuli orif san’ati qo’llangan
D) 4-bayt – tasdir san’ati qo’llangan