"Davlat granti ulushi joriy yilda yoʻnalishlar uchun umumiy kvotaning qanchadir ulushida taqsimlanishi belgilangan.

Buni tushuntiradigan boʻlsak, yurisprudensiya yoʻnalishiga grant ulushi 10 foiz deb belgilangan. Toshkent davlat Yuridik universitetini misolida koʻradigan boʻlsak, kvota soni 600 ta va uning 10 foizini 60 ta davlat granti kvotasiga toʻgʻri keladi.

Ushbu koʻrsatkichni oʻtgan yilgi grant soni bilan solishtirsak, bir necha barobarga oshgan. Yaʼni, statik holatda grant taqsimlanganda, koʻplab oliygohlarga kam grant berilayotgan edi.

Hozirgi ulush eng maksimal holat, yaʼni bir OTMning biror yoʻnalishiga ajratilishi mumkin boʻlgan grantning eng koʻp miqdori shu boʻlishi mumkin.

Toshkent davlat yuridik universitetiga ajratilgan umumiy 600 ta kvotaning 10 foizini oladigan boʻlsak, 60 ta grant olishi mumkin. Shunda ham agar eng bilimli va yuqori natija olgan abituriyentlar yuridik universitetini tanlagan boʻlsa. Agar ular Diplomatiya, Milliy yoki Transport universitetini tanlagan boʻlsa, bu yerda grant soni 60 taga ham yetib bormasligi yoki teskarisi boʻlishi mumkin.

Shundan xulosa qilish mumkinki, respublika boʻyicha yurisprudensiya yoʻnalishiga ajratilgan grant soniga koʻra, shu yoʻnalishga hujjat topshirgan abituriyentlarni eng yuqoridan saralaganda, shu sonda turgan abituriyentlarning hammasi ham davlat granti asosida oʻqishga kiradi degani emas.

Chunki abituriyentlarda tanlov ustuvorligi, OTMlarda abituriyentlar qamrovi hamda grant ulushi bor. Deylik, qaysidir abituriyentga Yuridik universitetda kontraktda oʻqish Milliy universitet yurisprudensiya yoʻnalishida grantda oʻqishdan ustunroq boʻlishi mumkin. Boshqa bir abituriyentga esa qaysi OTM boʻlishidan qatʼi nazar grantda oʻqish muhim boʻlishi mumkin. Shuning uchun abituriyentlarga tanlash uchun davlat granti va taʼlim yoʻnalishi ustuvorligi taqdim etilgan.

Xulosa qilib aytganda, respublika boʻyicha grant sonidan turgan abituriyentlarning hammasi ham grantga kiradi degani emas va bu ularning tanlovi"