Navoiy va Bobur merosi — bebaho xazina

O’zbekiston Ekologik partiyasi Markaziy Kengashi tomonidan ikki buyuk shoir va mutafakkir bobolarimiz – Alisher Navoiy tavalludining 584 hamda Zahiriddin Muhammad Bobur tavalludining 542 yilligi munosabati bilan tadbir o’tkazildi.

Alisher Navoiy nomidagi Toshkent davlat o’zbek tili va adabiyoti universitetining Filologiya fanlari bo'yicha falsafa doktorlari Kamola Rixsiyeva hamda Gavhar Komilova ikki buyuk shoirning hayoti, ijodi, yashil olam uchun qilgan xayrli ishlari haqida ma’ruza qildilar.

“Yangi asr” universiteti dotsenti G’ulom Bobojonov Hazrat Navoiyning ona tabiatga naqadar ehtiyotkorlik bilan munosabatda bo’lganliklari haqida ma’lumotlar keltirib o’tdi.

Ma’naviy-ma’rifiy tadbirda buyuk bobolarimizning g’azal va ruboiylaridan o'qildi. O’sib kelayotgan avlod tarbiyasida Navoiy hamda Bobur asarlarining nechog’liq ahamiyatli ekani alohida ta’kidlandi.

✅Facebook | 🌐Instagram |🌐 Web site | 📹You Tube