𝑶𝑪𝑯𝑰𝑳𝑶𝑽ʼ𝑺 𝑩𝑳𝑶𝑮

⚡️ Rasman: bu yil ham kirish imtihonlarida maksimal ball — 189 ball bo'ladi

OTMlarga test sinovi topshiriladigan fanlar boʻyicha test topshiriqlari soni hamda baholash mezonlari tasdiqlandi (mezonlar o‘tgan yilgi qabuldek qoldirildi).

💬Unga ko‘ra:

◀️ Barcha test topshiruvchilar uchun majburiy 3 ta fan:

🔸 Ona tili (o‘zbek, rus, qoraqalpoq) x 10 ta;
🔹 Matematika x 10 ta;
♦️ O‘zbekiston tarixi x 10 ta;
✔️30 ta savol uchun 1.1 balldan jami 33 ball.

◀️Bakalavriat ta’lim yo‘nalishiga mos bo‘lgan 2 ta fan:

➡️1-fan: 30 ta savol x 3.1 ball = 93.0 ball
➡️2-fan: 30 ta savol x 2.1 ball = 63.0 ball
✔️60 ta savoldan jami 156,0 ball.

🟩2025/2026-o‘quv yili qabulida abituriyentlarga umumiy 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi.

@Ochilovs_Blog

❓5 kunlikda o‘qiydigan talabalar uchun dushanba kuni o‘qishmi yoki dam olish?

✅ Aslida Mehnat kodeksining 208-moddasidagi qoidalar talabalarga taalluqli emas. Talabalar xodim hisoblanmaydi.

Shuning uchun talabalar uchun 5 kunlik o‘qishmi yoki 6 kunlik o‘qishmi, buning mutlaqo farqi yo‘q.

❓ Xo‘p, unda dushanba kuni talabalar nima qiladi?

Bu oliygohdagi o‘qituvchilarning ish tartibiga bog‘liq. Agar o‘qituvchilar 5 kunlik ish haftasida ishlasa, unda dushanba kuni ularga dam olish kuni bo‘ladi. Demak, talabalar ham o‘qishga bormaydi.

Agar o‘qituvchilar 6 kunlik ish haftasida ishlasa, unda dushanba kuni ishga chiqadi va o‘z-o‘zidan talabalar uchun ham o‘qishlar bo‘ladi.

Shu sababli Siz dushanba kuni nima qilishingizni o‘qiydigan oliygohingizdan aniqlashtiring.

Masalan, Toshkent davlat iqtisodiyot universiteti dushanba kuni o‘qituvchilarga ham, talabalarga ham dam olish kuni bo‘lishini e’lon qildi.

Toshkent axborot texnologiyalari universiteti esa aksincha dushanba kuni odatdagiday o‘qish bo‘lishini, dars qoldirish uchun sabab yo‘qligini ma’lum qildi.

©xushnudbek

@Ochilovs_Blog

❗️ Bugun hamma xodimlar 1 soat vaqtli ketishi kerak!

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 8-mart — Xalqaro xotin-qizlar kuni, yaʼni ishlanmaydigan bayram.

Demak, bugun ishga chiqqan xodimlar 1 soat vaqtliroq uyiga ketishga haqli.

🔰 Bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.
©xushnudbek

@Ochilovs_Blog

Ma’muriy sud tomonidan hal etiladigan ishlar.

Ma’muriy sudlar:

1) idoraviy normativ-huquqiy hujjatlar yuzasidan nizolashish to‘g‘risidagi;

2) mahalliy davlat hokimiyati organlarining, davlat boshqaruvi organlarining, ma’muriy-huquqiy faoliyatni amalga oshirishga vakolatli bo‘lgan boshqa organlarning, fuqarolar o‘zini o‘zi boshqarish organlarining va ular mansabdor shaxslarining qonunchilikka mos kelmaydigan hamda fuqarolar yoki yuridik shaxslarning huquqlarini va qonun bilan qo‘riqlanadigan manfaatlarini buzadigan qarorlari, harakatlari (harakatsizligi) yuzasidan nizolashish to‘g‘risidagi;

3) saylov komissiyalarining xatti-harakatlari (qarorlari) yuzasidan nizolashish to‘g‘risidagi;

4) notarial harakatni amalga oshirish, fuqarolik holati dalolatnomalarini yozishni ro‘yxatga olish rad etilganligi yoki notariusning yoxud fuqarolik holati dalolatnomalarini yozish organi mansabdor shaxsining harakatlari (harakatsizligi) yuzasidan nizolashish to‘g‘risidagi;

5) davlat ro‘yxatidan o‘tkazishni rad etish yoxud belgilangan muddatda davlat ro‘yxatidan o‘tkazishdan bo‘yin tovlash ustidan shikoyat qilish to‘g‘risidagi;

6) investitsiya nizolari bo‘yicha;

7) raqobat to‘g‘risidagi ishlarni hal qiladi.


@Ochilovs_Blog

Yuqoridagilardan kelib chiqib, Oʻzbekiston Respublikasi qonunchiligi talablariga muvofiq, 2025-yil 20-martdan boshlab xorijiy elektron savdo platformalaridan, xususan, “TEMU” platformasidan foydalanish belgilangan tartibda cheklanadi.

Tushunmovchiliklarni oldini olish maqsadida, yurtdoshlarimizdan bugungi kundan boshlab “TEMU” platformasida buyurtma bermasliklarini soʻraymiz.

❗️Bunda, agar buyurtma bundan oldin amalga oshirilgan boʻlsa, platformada toʻlovni qaytarishni tashkil etish tavsiya etiladi.

Istiqbolli loyihalar milliy agentligi va Soliq qoʻmitasi yurtdoshlarimizni Oʻzbekiston Respublikasi hududida oʻz faoliyatini mahalliylashtirmagan yoki mamlakatimizda Soliq qoʻmitasining elektron xizmatlar koʻrsatuvchi xorijiy kompaniyalar va marketpleyslar roʻyxatiga kirmagan xorijiy elektron savdo platformalari xizmatlaridan foydalanmaslikka, ehtiyot choralarini koʻrishga, shaxsiy va boshqa maʼlumotlarni bunday subyektlarga bermaslikka chaqiradi.


@Ochilovs_Blog

⚡️✅ TDYU uchun IELTS sertifikati Writing 5,5 bo'lish talabi bekor qilingan.

🔰 Vazirlar Mahkamasining 395-son qaroriga muvofiq OTMlarga kirishda chet tilidan B2 va undan yuqori darajadagi milliy yoki xalqaro sertifikatga ega abituriyentlarga ushbu fandan maksimal ball beriladi.

▶️ Bunda Toshkent davlat yuridik universitetining bakalavriatiga o‘qishga kirishda IELTS (International English Language Testing System) sertifkatiga ega abituriyentlar writing modulidan kamida 5,5 ballga ega bo‘lishi lozimligi qayd etilgan.

📌 Davlat komissiyasining tegishli bayoni bilan B2 va undan yuqori darajadagi IELTS sertifikatiga ega abituriyentlarga istisno tariqasida yozish ko‘nikmasi bo‘yicha balidan qat’i nazar ingliz tili fanidan maksimal ball berilishi belgilandi.

✅ Demak, IELTS 5,5 va undan yuqori darajadagi IELTS sertifikatiga ega abituriyentlarga yozish ko‘nikmasi bo‘yicha balidan qat’i nazar ingliz tili fanidan maksimal ball beriladi.

💻 «Yuridik ta'lim»: Eslatib o'tamiz avvallari TDYU uchun IELTS 5,5 darajasi faqatgina Writing ham 5,5 bo'lganda chet tili fanidan maksimal ball berar edi.

© Manba: «Yuridik ta'lim».


@Ochilovs_Blog