🟦🟦🟦

⚡️ "TA’LIM JARAYONIDA ZAMONAVIY TEXNOLOGIYALARDAN FOYDALANISH" MAVZUSIDA O‘QUV-SEMINAR O‘TKAZILDI

👥 Bugun, 4-yanvar kuni Osiyo texnologiyalar universitetida ta'lim jarayonini yanada takomillashtirish va professor-o'qituvchilarning pedagogik mahoratlarini oshirish maqsadida "Ta’lim jarayonida zamonaviy texnologiyalardan foydalanish" mavzusida o'quv-seminar tashkil etildi.

👥 O'quv-seminarni Akademik va ilmiy ishlar bo‘yicha prorektor N.Xolmirzayev kirish so'zi bilan ochib berib, zamonaviy texnologiyalarning ta’lim jarayonini rivojlantirishdagi o‘rni haqida qimmatli fikrlar bildirdi.

⭐️ Seminar davomida Pedagogika kafedrasi dotsenti B.Jovliyev hamda katta o‘qituvchi X.Beknazarovalar tomonidan zamonaviy pedagogik va informatsion texnologiyalarni ta’lim jarayonida qo‘llashning eng samarali usullari, yangi texnologiyalarni o‘quv jarayoniga integratsiya qilish orqali talabalarning o‘qishga bo‘lgan qiziqishini oshirish, ularga zamonaviy bilim va ko‘nikmalarni berish bo‘yicha bir qator mashg‘ulotlar o'tkazildi.

➡️ Shuningdek, ushbu o'quv-seminar savol-javob, debat shaklida tashkil etilgan bo'lib, unda bugungi kunda axborot texnologiyalaridan samarali foydalanish orqali ta’lim sifatini oshirish hamda ta’limni yangi bosqichga olib chiqish uchun zarur shart-sharoitlarni yaratish bo'yicha muhim masalalar muhokama qilindi.

🫥🫥🫥🫥🫥🫥🫥🫥🫥
Ijtimoiy tarmoqlarimiz:
🌐 Veb-sayt | 🔹 Instagram
🔹 YouTube | 🔹 Telegram