Toshkentdagi oliy ta’lim muassasalari rahbarlari o‘rtasida “Vazir kubogi” sport musobaqasi bo'lib o'tdi.

Toshkent davlat Sharqshunoslik universiteti sport maydonlarida Toshkent shahridagi barcha oliy ta’lim muassasalari rektorlari (direktorlari) sportning mini futbol, stol tennisi va shaxmat turlari bo‘yicha kuch sinashdi.

Ushbu tadbir davlatimiz rahbarining belgilagan topshiriqlarini amaliyotga joriy etishdagi qadam sifatida katta ramziy ahamiyatga ega bo‘lib, oliy ta’lim muassasalarida sport musobaqalari tizimini shakllantirish va mustahkamlashga yo‘naltirilgan strategik tashabbus sifatida e’tirof etildi.

Tadbirda Oliy ta’lim, fan va innovatsiyalar vazirligi, Sport vazirligi, Milliy Olimpiya hamda Milliy Paralimpiya qo‘mitalari rahbariyati va boshqa tashkilotlar, shuningdek ommaviy axborot vositalari vakillari ishtirok etdi.

Musobaqalar doirasida sportning mini-futbol, stol tennisi va shaxmat bo‘yicha “Vazir kubogi” sport musobaqasida g‘olib jamoalar taqdirlandi.

Taqdirlash davomida ishtirokchilarning yuqori darajadagi o‘zaro raqobati va jamoaviy qat’iyati alohida e’tirof etildi. Ularga Vazir kubogi, medallar va tashakkurnomalar topshirildi.

Ushbu tadbir universitet rahbarlari va ishtirokchi tashkilot vakillari tomonidan qo‘llab-quvvatlandi, bu esa kelgusida sport sohasidagi hamkorlik va qo‘shma loyihalarni yanada rivojlantirishga turtki bo‘ldi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter